«Astana» shabandozy «Shveıtsarııa týrynda» aýyr jaraqat aldy
NUR-SULTAN. QazAqparat - «Astana» komandasynyń shabandozy Andreı Zeıts«Shveıtsarııa týrynda» jaraqattanyp qaldy, dep habarlaıdy «QazAqparat» HAA QR Ulttyq olımpıada komıtetine silteme jasap.
«Shveıtsarııa týrynyń» 4-shi kezeńiniń aıaqtalýynan shamamen 35 shaqyrym qalǵanda qulaǵan «Astana» komandasynyń shabandozy Andreı Zeıtstiń sol jaq buǵanasy men qabyrǵasy synǵan.
Erteń Andreı Zeıtske Dornah qalasynyń aýrýhanasynda ota jasalady, odan keıin de ol birshama ýaqyt dárigerlerdiń baqylaýynda bolady.
