Astana – Seýl reısteri qaıta jandandy
ASTANA. KAZINFORM - Air Astana Qazaqstan men Ońtústik Koreıa astanalary arasyndaǵy tikeleı reısterdiń qaıta jandanǵanyn habarlady.
Alǵashqy reıs búgin, 15 maýsym kúni saǵat 19:55-te Astana halyqaralyq áýejaıynan Inchhon halyqaralyq áýejaıyna oryndaldy.
«Bas qalalar arasyndaǵy áýe qatynasy alǵash ret 2015 jyly iske qosyldy. Biraq jahandyq pandemııaǵa baılanysty ýaqytsha toqtatylǵan bolatyn. Marshrýttyń qaıta jandanýy Ońtústik Koreıa prezıdentiniń osy aptada Qazaqstanǵa resmı saparymen tuspa-tus kelip, elder arasyndaǵy ekonomıkalyq jáne mádenı baılanystardy nyǵaıtý úshin osy baǵyttyń naqtylyǵyn kórsetedi», - dedi kompanııadan.
Astanadan Seýlǵa reıster Airbus A321LR ushaǵymen sársenbi jáne senbi kúnderi aptasyna eki ret oryndalady jáne Almatydan Seýlge 2003 jyldan beri oryndalyp kele jatqan kúndelikti reısterdi tolyqtyrady.
