Astana: «Sergek» kameralary adamnyń bet-álpetin tanıtyn bolady
ASTANA. QazAqparat - Astanada ornatylyp jatqan «Sergek» vıdeobaqylaý kameralary adamnyń bet-álpetin tanıtyn bolady, dep habarlaıdy «QazAqparat» HAA tilshisi.
«Ózderińiz biletindeı, jobanyń basty maqsaty - bizdiń azamattardyń qaýipsizdigi. Osy jumys aıasynda jobany ary qaraı damytyp, ákimniń tapsyrmasy boıynsha adamdardyń túrin taný júıesin engizip jatyrmyz. Adamdy taný boıynsha pılotty rejimdegi búgingi testileý - búkil qala boıynsha kameralardyń aýqymyn keńeıtý baǵytyndaǵy alǵashqy qadam», - dedi «QazAqparat» HAA tilshisine «Astana Innovation» AQ basqarma tóraǵasy Oljas Sartaev.
Іlki jobanyń alǵashqy pýnkti retinde qalalyq ákimdik tańdap alynǵan. Oljas Sartaevtyń aıtýynsha, bul júıemen keleshekte adam kóp júretin ózge de oryndar qamtylady.
«Jýyq arada biz bul júıeni adamdar kóp jınalatyn barlyq oryndarǵa ornatýdy kózdep otyrmyz. Eger testileý sátti ótkizilse, atalǵan jumys qolǵa alynady», - deıdi «Astana Innovation» AQ basshysy.
Oljas Sartaev atalǵan shara ákimdikti transformatsııalaý aıasynda júrgizilip jatqanyn tilge tıek etti.
«Maqsattardyń biri - ashyq ákimdik. Ákimdik osylaısha turǵyndarǵa jaqyndaı túsedi», - dedi Sartaev.
