21:26, 28 Qazan 2024 | GMT +6
«Astana-Semeı» baǵyty boıynsha qatynaıtyn vagondar jańartyldy
ASTANA. KAZINFORM – Kólik mınıstrligi otandyq vagondar parkin jańartýdy júıeli túrde jalǵastyryp jatyr. Máselen, «Astana-Semeı» baǵytynda qatynaıtyn N121/122 jolaýshylar poıyzynyń quramy jańartyldy.
«Araı Trans KZ» JShS jeke tasymaldaýshysy úsh jańa jolaýshylar vagonyn satyp aldy: eki platskart jáne bir kýpe.
Vagondar aýany baptaý júıesimen, bıo-dárethana keshenderimen, USB konnektory bar gadjetterdi zarıadtaýǵa arnalǵan rozetkalarmen jáne t. b. jabdyqtalǵan.
Bıylǵy jyldyń alǵashqy toǵyz aıynda jeke tasymaldaýshy 350 myńnan astam jolaýshyny tasymaldady.
Eske sala keteıik, buǵan deıin Qazaqstanda vagondar qashan tolyqtaı jańaratynyn jazǵan edik.
