«Astana» - «Seltık» matchyna eń qymbat bılettiń quny 25 myń teńge bolmaq
ASTANA. QazAqparat - 27 shildede saǵat 20:00-da «Astana-Arena» sport kesheninde ótetin Chempıondar Lıgasynyń úshinshi irikteý raýndysyndaǵy «Astana» - «Seltık» matchyna bıletter satý bastaldy.
«Astana» fýtbol klýby baspasóz qyzmetiniń habarlaýynsha, qazirgi kezde bıletterge táýlik boıy «Tıketon» júıesi arqyly klýbtyń tiketon.kz resmı saıtynda, sondaı-aq áriptestik jeli arqyly - eldiń kóp kiretin sport saıttarynda, Qazaqstan qalalarynyń iri saýda oıyn-saýyq ortalyqtarynda («Astana bıletteri» jáne basqalary), Qiwi jáne Kassa24 termınaldary arqyly qoljetimdi.
Bıletterdi qolma-qol aqshaǵa iri saýda oıyn-saýyq ortalyqtarynda («Kerýen», «Mega», «Saryarqa», «Han Shatyr» jáne t.b.) ornalasqan «Astana bıletteri» kassalarynan satyp alýǵa bolady.
«Bıletter ishki matchtar sııaqty sanattarǵa bólingen. Bul oıynǵa baǵa saıasaty 1000 teńgeden 3500 teńgege deıin. 7 jasqa deıingi balalar stadıonǵa tegin jiberiledi. Mektep oqýshylary men stýdentterge 50% jeńildikter jasalǵan. Zeınet jasyndaǵy adamdarǵa yńǵaıly bolýy úshin olarǵa matchqa w1 sektory bólindi», - delingen habarlamada.
Sondaı-aq SІR boksterindegi oryndar qoljetimdi, bir orynnyń baǵasy 25 000 teńge.
23 shildeden bastap bıletter «Astana Arena» stadıonynyń kassalaryna satýǵa túsedi.
