Astana-Şýchınsk trassasynda janǵan kólikten adamdardy kim qutqarǵany anyqtaldy

ASTANA. QazAqparat – Áleýmettik jelide Astana-Şýchınsk trassasynda kólik órtengeni, odan birneshe adam qutqarylǵany týraly vıdeo taraǵan bolatyn. Rolisia.kz málimetinshe, jol apatyn zardap shekkenderdi shyǵaryp alǵan er adamnyń ózi jasaǵan, dep habarlaıdy QazAqparat.

«24 maýsym kúni saǵat 17:00 shamasynda polıtsııanyń kezekshi bólimine Astana-Şýchınsk avtojolynda Şýchınsk qalasy baǵytynda eki kólik soqtyǵysqany týraly telefon habarlamasy kelip tústi.

Oqıǵa ornyna kelgen tártip saqshylary jol-kólik oqıǵasy Astana-Petropavl avtojolynyń 102-shaqyrymynda bolǵanyn anyqtady. Kókshetaý qalasyna bet alǵan Exceed TXT kóliginiń 39 jastaǵy júrgizýshisi qashyqtyqty saqtamaı, sol baǵytta kele jatqan Daewoo Nexia avtokóligimen soqtyǵysqan.

Saldarynan Daewoo Nexia avtokóligi órtengen. Exceed avtokóliginiń 39 jastaǵy júrgizýshisi janǵan kólikten júrgizýshi men jolaýshyǵa syrtqa shyǵýǵa kómektesken», - dedi polıtsııadan.

Jol apatynan 24 jastaǵy júrgizýshi men 32 jastaǵy jolaýshy aýrýhanaǵa jatqyzyldy.

«Tekserýden keıin jolaýshy úıine jiberildi. Júrgizýshi jansaqtaý bóliminde. QR Qylmystyq kodeksiniń 345-baby 2-bóligi boıynsha sotqa deıingi is júrgizý bastaldy», - delingen aqparatta.