«Astana-Şýchınsk» tas joly jylyna 1 mlrd teńge paıda túsiredi
ASTANA. QazAqparat - «Astana-Şýchınks» aqyly avtojylynyń bir jyldaǵy tabysy - 1 mlrd teńge. Bul týraly «QazAqparat» HAA tilshisiniń resmı suraýyna jaýap bere otyryp, «QazAvtoJol» UK» AQ baspasóz qyzmeti habarlady.
«Astana-Şýchınsk» aqyly avtojoly arqyly uıym jyl saıyn 1 mlrd 100 mln teńge kóleminde paıda tabady. Osy ýaqytqa deıin aqyly atvojoldan túsken tabys 3 mlrd 200 mln teńgeni qurady», - dep habarlady kompanııanyń baspasóz qyzmeti.
Kompanııanyń habarlaýynsha, joldy jóndeýge, joldy azalap, tólem júıesin jaqsartýǵa osy qarajattan aqsha tartylady. Mysaly, joldy qysta qardan tazalaýǵa 54 tehnıka jumyldyrylady. Al, jol apaty oryn alsa, tas joldaǵy medıtsınalyq-quqarý pýnktteriniń qyzmetkerleri kómekke keledi.
Qazaqstandaǵy osyndaı 40 pýnkttiń árqaısysy tıisti quraldarmen jabdyqtalǵan. «Jýyq arada Astana-Şýchınsk» tas jolymen júrý aqysyn ósirý josparda joq», - dep atap ótti kompanııa, resmı jaýabyn tolyqtyra otyryp.
