Astana - Şýchınsk avtojolynda bıyl aqy tóleý júıesi engiziletin bolady - Kólik jáne kommýnıkatsııa mınıstrligi
ASTANA. 28 sáýir. QazAqparat - Búgin Qazaqstan Respýblıkasy Kólik jáne kommýnıkatsııa mınıstri Berik Kamalıev Astana - Şýchınsk avtojolynda aqy tóleý júıesin engizý máselesi boıynsha otyrys ótkizdi, dep habarlaıdy QR Kólik jáne kommýnıkatsııa mınıstrliginiń baspasóz qyzmeti
Avtomobıl joldary komıtetiniń tóraǵasy Zamır Saǵynov osy másele boıynsha jasaǵan aqparatynda Qazaqstan Respýblıkasy Prezıdentiniń Jarlyǵymen bekitilgen 2020 jylǵa deıingi QR Strategııalyq damý josparynda 2012 jyly respýblıkalyq mańyzy bar joldardyń keıbir ýchaskelerinde aqy tóleý júıesin engizý qarastyrylǵan.
Jobalaý tobynyń jetekshisi Nıkolaı Astashev aqy tóleý júıesi týraly aqparat berdi. Astana - Şýchınsk avtojolynda aqy tóleý júıesiniń jobasy ýchaskeniń basy men aıaǵynda aqy alýdyń ashyq júıeli aqyly avtojol retinde iske asyrylmaqshy. Sondaı-aq, 5 aýdannyń shekarasynda kólik quraldarynyń kirý-shyǵýyn qadaǵalaıtyn vıdeo baqylaýlary bar 4 arka ornalastyrylady.
Aqyny alý pýnktterin sheptik beketterge jaqyn jerde ornalastyrý josparlanýda. Avtomattandyrý jáne aqyly joldy paıdalanýshylardyń operatorlarmen ózara qatynasyn boldyrmaý maqsatynda aqyny qabyldaý termınaldary ornalastyrylyp, aqshalaı jáne kredıttik kartochkalary arqyly da tólenetin bolady. Zańdy túrde aqy tóleýden bosatylǵan arnaıy avtokólik quraldary derekter bazasyna engiziledi jáne aqyly jolǵa ótkende avtomatty túrde ashylady. Bul avtojolǵa jaqyn ornalasqan aýyl turǵyndary aqy tóleýden bosatylady. Mundaı aýyldardyń sany 16, olarda 11 myńnan astam adam turady jáne 2,5 myń avtokólik bar. Baqylaý arkalary aýdan shekaralarynda ornalasady jáne memlekettik nomerlik belgiler, jyldamdyqty ólsheý qurylǵysy jáne radıo belgilerdi sanaýyshtar arqyly avtokólikti taný qurylǵylarymen qamtamasyz etiledi.
16 memlekettegi aqyly joldar boıynsha júrgizilgen saraptamaǵa sáıkes jeńil avtokólikteri úshin jolmen júrý aqysy 2-18 teńge shamasyn qurap otyr. Qazirgi tańda qazaqstandyq talaptarǵa sáıkes jol júrý aqysynyń baǵalaryn esepteý ádistemesi jasaldy. Usynystar tıisti memlekettik organdarǵa kelisýge jiberildi.
Otyrystyń qorytyndysy boıynsha, mınıstr B.Kamalıev avtomobıl joldary komıtetine jobany júzege asyrý kestesin daıyndaýǵa tapsyrma berdi.
