«Astana-Şýche» tasjolynyń boıyna jańa saýda pavılondary ornatylyp jatyr
ASTANA. QazAqparat - «Astana-Şýche» tasjolynyń boıyna jańa zamanaýı 16 saýda pavılony ornatyldy. Bul týraly Aqmola oblysy ákiminiń týrızm, ındýstrııalandyrý, kásipkerlik jáne ınvestıtsııalar máseleleri boıynsha orynbasary Marat Iǵalı Feısbýk paraqshasyna jazdy, dep habarlaıdy QazAqparat tilshisi.
«Qazirgi ýaqytta «Burabay Tourism Organisation» JShS «Astana-Şýche» tasjoly boıyndaǵy beıbereket ornalasqan saýda oryndarynyń ornyna zamanaýı biryńǵaı estetıkalyq qalypqa saı keletin saýda alańyn salyp, jol qozǵalysynyń qaýipsizdigin qamtamasyz etý jumystarymen aınalysýda. Búginde tasjol boıynda úsh jerde 16 saýda pavılony ornatyldy, taǵy 8-i daıyndyq ústinde», - dedi Marat Iǵalı.
Odan bólek Aqmola oblysy ákiminiń orynbasary ústimizdegi jyldyń maýsym aıynda M.Myrzalınniń tapsyrmasy boıynsha Býrabaı kentiniń ortalyǵynda keshendi jóndeý jumystary júrgizilgenin aıtty. Atap aıtqanda, tas tóseý, oryndyqtar qoıý, gúl ósirý, qoqys jáshikterin ornatý jáne týrıstik qyzmet kórsetý nysandary ashylyp, tamaqtaný men basqa qyzmet túrleri iske qosyldy. Budan bólek aýmaǵy 120 sharshy metrdi quraıtyn «Aqmol» saýda jelisiniń ortalyǵyn ashý josparlanýda ekenin jazdy.
Sonymen qatar, M.Iǵalı Býrabaı kýrorty men onyń merketıngtik áleýetin alǵa jyljytý boıynsha jańa baǵdarlamanyń ázirlenip jatqanyn tilge tıek etti.
