Astana saıabaǵynda esirtki jasyryp kelgen boıjetken ustaldy

ASTANA. QazAqparat – Elordada esirtki satýmen aınalysqan áıel quryqtaldy. Bul týraly Rolisia.kz-ten málim etti, dep habarlaıdy QazAqparat.

«Polıtseıler saıabaq aýmaǵynda esirtki jasyryp ketýmen aınalysqan boıjetkendi anyqtady. Odan jalpy salmaǵy 0,53 gr ekstazı esirtki zaty tárkilendi.

Jaldamaly páterin tintý barysynda esirtki zattarynyń bútin bir qoımasy anyqtaldy. Arasynda mefedron, gashısh, gallıýtsınogendi, marıhýana jáne kannabıs shaıyry bar.

Ustalǵan boıjetken olardy esirtki satýǵa arnalǵan óziniń ınternet-dúkeni arqyly satpaqshy bolǵan. Zańsyz aınalymnan 400 gr jýyq esirtki zaty alyndy», - delingen habarlamada.

Sondaı-aq polıtseıler qalanyń halyq kóp jınalatyn jerlerinde esirtki kýrerleri jabystyrǵan QR-kodtary bar japsyrmalardy tapty.

«QR Qylmystyq kodeksiniń 296-baby 4-bóligi boıynsha sotqa deıingi tergeý amaldary júrgizilip jatyr. Fıgýrant ýaqytsha ustaý ızolıatoryna qamaldy», - delingen polıtsııa málimetinde.