Astana sammıttin uıymdastyrylýy, ótkizilýi ári onyń deklaratsııasynyń qabyldanýy - halqymyzdyń, Elbasymyzdyń úlken jeńisi-M. Áshimbaev
ASTANA. 22 jeltoqsan. QazAqparat /Marlan Jıembaı/ - Búgin elordada 2009-2011 jyldarǵa arnalǵan «Mádenı mura» strategııalyq ulttyq jobasyn júzege asyrý jónindegi qoǵamdyq keńestiń aǵymdaǵy jylǵy qorytyndy otyrysy ótti.
Keńes músheleri qatysqan alqalyq jıyn QR Prezıdenti Ákimshiligi basshysynyń orynbasary Máýlen Áshimbaevtyń tóraǵalyǵymen ótti.
Jıyndy ashqan ol kúni keshe ótken elimizdiń eń basty meıramy - Táýelsizdik kúnimen quttyqtaı kele: «Bıylǵy jyl búkil Qazaqstan úshin, búkil halqymyz úshin juldyzdy jyl boldy dep aıtsaq artyq bolmas. Qazaqstan TMD aıasynda, Azııada tuńǵysh ret EQYU-ǵa tóraǵa boldy. Onyń ústinde EQYU syndy alyp uıymnyń 11 jyl boıy jınamaǵan sammıtin Astanada Elbasynyń basshylyǵymen ótkizdik. Bárimiz osy sammıttiń uıymdastyrylýy, ótkizilýi, Sammıt dekalaratsııasynyń qabyldanýy búkil Qazaqstan halqynyń, memleketimizdiń, Elbasymyzdyń úlken jeńisi dep túsinemiz», - dedi.
Osydan keıin otyrystyń kún tártibine sáıkes joba aıasyndaǵy Damask qalasyndaǵy Ál-Farabı tarıhı mádenı ortalyǵy men kesenesiniń qurylysy jáne Sultan Beıbarystyń kesenesin qalpyna keltirý jumystary, ulttyq muralarymyz týraly túsirilip jatqan derekti fılmder, arheologııalyq zertteý jumystarynyń 2010 jylǵy nátıjeleri týraly baıandamalar tyńdaldy.
