Astana sammıtiniń tabysty ótetinine senimdimin — ShYU Bas hatshysy
ASTANA. KAZINFORM — Shanhaı Yntymaqtastyq Uıymynyń Bas hatshysy Chjan Mın Qazaqstannyń uıymǵa tóraǵalyq etýine qatysty pikir bildirdi.
«2023 jyldyń shildesinen bastap ShYU-ǵa tóraǵalyq etý Qazaqstan Respýblıkasyna ótken kezde qazaqstandyq tarap túrli salalarda 180-den astam is-shara uıymdastyrdy. Qazaqstandyq áriptester osy mıssııa barysynda 2024 jyly jarııalanǵan „ekologııa jyly“ sheńberinde ekonomıkalyq, ınvestıtsııalyq, kóliktik, mádenı-gýmanıtarlyq taqyryptarǵa, sondaı-aq ekologııalyq aspektilerge erekshe nazar aýdardy», — dedi ShYU Bas hatshysy Chjan Mın BAQ ókilderine málimdeme jasaı otyryp.
Ol ShYU hatshylyǵynyń is-sharalardy uıymdastyrý kezinde joǵary kásibı deńgeıge basa nazar aýdaratynyn aıtty.
«Bizdiń oıymyzsha, Qazaqstan Respýblıkasy uıymǵa tóraǵalyq etýi óte mazmundy jáne qyzyqty ótti. ShYU-ǵa múshe memleketterdiń qoldaýymen Astana sammıti tabysty ótetinine, uıymǵa jańa serpin beretinine jáne onyń damýyndaǵy taǵy bir mańyzdy kezeń bolatynyna senimdimin. Óz tarapymyzdan sammıtke daıyndyq pen ony ótkizý barynsha járdem kórsetýge daıynbyz», — deıdi ol.
Óz kezeginde Syrtqy ister mınıstri Murat Nurtileý Qazaqstannyń ShYU áleýetin barynsha ashý úshin úzdiksiz jumys istegenin aıtqan edi.
