Astana Sammıtiniń mańyzdylyǵy men ózektiligin jastar da sezinip, qoldaýda
ALMATY. 1 jeltoqsan. QazAqparat /Ádilet Musahaev/ - TMD elderi arasynda tuńǵysh uıymdastyrylyp otyrǵan Astana Sammıti tarıhtaǵy konventsııalar men uly hartııalar tizimi qatarynan saıası qujat retinde oryn almaq. Semeı medıtsına akademııasynyń 5-kýrs stýdenti Dınara Álimbekova QazAqparat tilshisine osyndaı pikirin bildirdi.
Stýdenttiń aıtýynsha, Sammıt eń aldymen dúnıe júzi elderi aldynda Qazaqstan Respýblıkasynyń bedelin arttyrady. «Sammıtke EQYU uıymyna múshe memleketter basshylarynyń jáne halyqaralyq uıymdar ókilderi kelýiniń ózi bizdiń elimizdiń álem aldyndaǵy bedelin aıǵaqtap otyr», - deıdi D.Álimbekova.
Sonymen qatar ol Sammıt májilisiniń birinshi otyrysynda Irlandııanyń EQYU-daǵy turaqty ókili Ien O Lırı: "Orta Azııa memleketteri arasynda Qazaqstan óz belsendiligi men dıplomatııalyq ereksheligi boıynsha daralanyp otyr",- dep atap ótýi Qazaqstan saıasatyna berilgen oń baǵa dep biletindigin jetkizdi.
«Qazaqstannyń EQYU-ǵa Ortalyq Azııa memleketteri arasynda alǵashqy bolyp tóraǵalyq jasaýy Elbasynyń salıqaly saıasatynyń nátıjesi dep bilem. Biz búgingi stýdentter - el erteńi, el bolashaǵymyz. Sol sebepten bul sammıttiń mańyzdylyǵy men ózektiligin jastar da sezinip, qoldaıtyndyǵyn aıtqym keledi. Elimizdiń kúlli álemdi ózine nazar aýdartyp, Elordamyzda dúnıejúzi ǵalymdary men saıasattanýshylardyń basyn qosýy bizdiń bolashaǵymyzdyń órkenıettiligi men jarqyn kemeldiligine taǵy bir úles qosary sózsiz», - deıdi stýdent.
