Astana Sammıtinde qabyldanatyn kujattardyń Astana atymen tarıhta qalary haq - Almaty qalasynyń turǵyny
ALMATY. 1 jeltoqsan. QazAqparat /Ádilet Musahaev/ - Astanada ótip jatqan Cammıtke qatysýshy memleket basshylary Qazaqstannyń EQYU-ǵa tóraǵalyq etýdegi róliniń zor bolǵandyǵy men atalǵan uıymnyń bedelin arttyrýǵa úlken úles qosqandyǵyn alǵa tartýda.
Báriniń de Cammıttiń rólin bulaı baǵalaýy - elimizdiń bedeli men tanymaldyǵyn arttyra túsýde jáne qabyldanar kujattardyń Astana atymen tarıhta qalary haq. Almaty qalasynyń turǵyny Edil Ázimshaıyq QazAqparat tilshisine osyndaı pikirin bildirdi.
Qala turǵyny sammıtke qatysýshylardyń kez-kelgen máseleni kúsh qoldanbaı sheshý kerektigin málimdeýi kóńilge qonymdy jaıt ekendigin aıtady.
«Osy turǵyda kelgen qonaqtardyń Cammıttiń qorytyndysynda qabyldanar kujattardyń áleýeti joǵary bolar dep senim bildirýi Qazaqstan tóraǵalyǵynyń joǵary deńgeıde ótkendigin aıqyndaıdy», - dedi E.Ázimshaıyq.
Ol sonymen qatar EQYU mandaty men áleýetin kúsheıtýde Cammıttyń róli joǵary ekendigin aıtady. «Adamzat qyrǵı-qabaq soǵystan sharshaǵan. Sondyqtan beıbit jolmen kelisimderge kelý úshin osyndaı uıymdardyń bolǵany durys. Árıne EQYU bar qıyndyqtardy sheshe almas, degenmen olardy sheshýge umtylatyny anyq. EQYU-ny reformalaý osy qıyndyqtardy sheshýde aıryqsha ról atqarady dep úmittenem», - deıdi Almaty qalasynyń turǵyny.
