Astana Sammıti - Nursultan Nazarbaevty jetekshi elderdiń basshylary da qoldaıtyndyǵyn kórsetti - M.Altynbaev
ANA. 6 qańtar. QazAqparat /Aıdar Ospanalıev/ - «Qazaqstan óziniń ónegesi arqyly shaǵyn halqy bar memlekettiń búkil álemniń damýyna qalaısha yqpal ete alatyndyǵyn kórsetti. Eýropadaǵy qaýipsizdik jáne yntymaqtastyq uıymyna tóraǵalyq etip, bıik bedel men úlken abyroıǵa jetti.
Astanada úlken Sammıttiń ótýin halyqaralyq uıymǵa múshe elderdiń barlyǵy qoldady. Bul Qazaqstannyń tuńǵysh Prezıdenti Nursultan Nazarbaevty jetekshi elderdiń basshylary da qoldaıtyndyǵynyń belgisi»,-dedi búgin Senat depýtaty Muhtar Altynbaev palatanyń jalpy otyrysynda Memleket basshysynyń ókilettigin 2020 jylǵa deıin uzartýǵa qatysty usynysty talqylaý barysynda.
Onyń aıtýynsha, Memleket basshysy tabandylyǵy men erik-jigeriniń arqasynda kóptegen elder úshin áli kúnge deıin ózekti bolyp otyrǵan shekara máselesin halyqaralyq qujattarmen zań júzinde myzǵymastaı etip bekitti. «Búginde Qazaqstan Prezıdenti Nursultan Nazarbaevtyń basshylyǵymen aýqymdy álemdik ekonomıkalyq daǵdarys eńserildi. Qazir halqymyzdyń talaı urpaǵynyń taǵdyryn aıqyndaıtyn údemeli ındýstrııalyq-ınnovatsııalyq damýdyń jaýapty kezeńi. Osyndaı jaǵdaıda eldi, halyqty qandaı qıyn jaǵdaılardan bolmasyn abyroımen alyp shyqqan tarıhı ólshemdegi mindetterdi sheshý qabiletin tanytqan kóshbasshymyz, tuńǵysh Prezıdentimiz Nursultan Nazarbaevqa sený durys dep sanaımyn»,-dedi M.Altynbaev.
