«Astana sammıti Qazaqstannyń juldyzyn jarqyrata jandyrady» - respýblıkalyq basylymdarǵa sholý

***

«Aıqyn» gazetiniń jazýynsha, Memleket basshysy Nursultan Nazarbaev Aqordada elimizdiń quqyq qorǵaý júıesin reformalaý máseleleri boıynsha keńes ótkizgen. Jıyn barysynda Elbasy Úkimetke quqyq qorǵaý júıesin reformalaý týraly zań jobasyn halyqaralyq talaptarǵa jaýap bere alatyndaı etip ázirlep, bıylǵy jyly Parlamentke engizýdi tapsyrǵan. Sondaı-aq maqalada QR Prezıdentiniń «quqyq qorǵaý vedomstvolarynyń birin-biri qaıtalaýyn boldyrmaı, olardyń jumysyn tıimdi etý, álemdik tájirıbeni paıdalana otyryp, burynǵy keńestik júıeniń keleńsiz muralarynan arylý qajet» degen sózi de keltirilgen. Maqalanyń tolyq nusqasyn basylymnyń beısenbilik nómirindegi «Zańdar barynsha izgilenýi qajet» degen taqyryptan oqı alasyzdar.

«Nur Otan» halyqtyq-demokratııalyq partııasy Tóraǵasynyń birinshi orynbasary Nurlan Nyǵmatýlın Birikken Arab Ámirlikteriniń Qazaqstan Respýblıkasyndaǵy Tótenshe jáne Ókiletti elshisi Ibrahım Hasan Seıfpen kezdesti», dep jazady «Aıqyn» gazeti. BAÁ Elshisi EQYU-ǵa qatysýshy elder Syrtqy ister mınıstrlikteri keńesi osy iri halyqaralyq uıym Sammıtin 2010 jylǵy jeltoqsannyń 1-2-si kúnderi Astanada ótkizý týraly sheshimniń mańyzdylyǵyna toqtalǵan.Osy turǵyda bul sheshimniń qabyldanýy Qazaqstan Respýblıkasynyń Prezıdenti Nursultan Ábishuly Nazarbaevtyń jahandyq bastamasy men joǵary halyqaralyq bedeliniń nátıjesi bolǵandyǵyn atap ótken. Óz kezeginde Nurlan Nyǵmatýlın Ult kóshbasshysynyń, partııa tóraǵasynyń qyzmeti Qazaqstannyń EQYU-ǵa tóraǵalyǵy týraly sheshimniń qabyldanǵan kezinde ǵana mańyzdy aktıv bolyp qoımaı, Astana qalasynda uıymǵa qatysýshy elder Sammıtin ótkizý týraly sheshimniń qabyldanýyna da múmkindik týǵyzǵandyǵyn basa aıtqan.

«Qazaqstan» telearnasy qyryq eki serııaly týyndy túsirip jatyr. Bul jaǵymdy jańalyqty «Aıqyn» gazeti jarııalap otyr. Basylymnyń jazýynsha, otandyq kınematografııa tarıhynda tuńǵysh ret 42 serııaly bolyp túsirip jatqan «Aınalaıyn» týyndysy ázirge qazaq kınogerlerine tańsyqtaý «SitCom» formatynda bolmaq. Serıalǵa Bekjan Turys, Kádirbek Demesin, Gúljamal Qazaqbaı, Danagúl Temirsultan syndy tanymal akterlermen qatar estrada juldyzdary Asylbek Eńsepov, Seıfýllın Jolbarys, Roza Rymbaeva shaqyrylǵan.

***

Kóptegen elde ásker qyzmettiń bir salasy retinde ǵana qarastyrylǵan. ıAǵnı azamattardy áskerge barýǵa eshkim mindettemeıdi, qalaǵan adam ǵana kelisimshart arqyly bul qyzmetti atqarady. Al áskerge barǵysy kelmeıtinder memleketke basqa salalar arqyly qyzmet etedi. Keıbir mamandarymyz Qazaqstanǵa osy tájirıbeni engizý qajet dep esepteıdi. Al ekinshi jaǵynan alyp qarasaq, qazirgi kúni jastar arasynda «Otanǵa qyzmet etý» degen uǵym azaıyp bara jatqan sekildi. Sondyqtan da ekinshi bir mamandar «áskerı mindetin ótemegen, jaltarǵan azamattardy memlekettik qyzmetke almaý kerek» degen pikir ustanady. Osyǵan oraı «Alash aınasy» gazeti búgingi sanyndaǵy «Oı-kókpar» aıdarynda «Áskerı mindetin ótemegen azamattardy memlekettik qyzmetke almaý qajet pe?» degen saýaldy mamandary nazaryna usynǵan. Olardyń jaýaptaryn oqyǵyńyz kelse basylymnyń beısenbilik nómirine nazar aýdaryńyz.

«Alash aınasy» gazetiniń «Dat!» aıdarynda QR UǴA akademıgi, professor Máken Toıshybekovpen aradaǵy suhbat «Qazaqy mal tuqymyn saqtap qalatyn arnaıy memlekettik baǵdarlama kerek» degen taqyryppen basylǵan. Basylym tilshisiniń barlyq saýaldaryna tuşymdy jaýap bergen ol «eger biz ózimizdiń qazaqtyǵymyzdy saqtap qalǵymyz kelse, aldymen qazaqtyń eski malynyń tuqymyn, ıaǵnı ejelgi mal basyn saqtap qalýǵa kúsh jumsaýymyz kerek. Osyǵan oraı bizge qýatty tehnologııa, bilikti maman kerek. Úkimet tarapynan belgili bir dotatsııalar, sýbsıdııalar bólinýi qajet. Áıtpese biz ata-babamyzdyń mıras etip qaldyrǵan ejelgi mal tuymyn múldem joıyp alamyz», depti.

***

«Astana sammıti Qazaqstannyń juldyzyn jarqyrata jandyrady». Osy taqyryppen «Astana aqshamy» gazetiniń beısenbilik nómirinde jaryq kórgen suhbat Eýropadaǵy qaýipsizdik jáne yntymaqtastyq uıymynyń Іs basyndaǵy tóraǵasy, Qazaqstan Respýblıkasynyń Memlekettik hatshysy - Syrtqy ister mınıstri Qanat Saýdabaevpen arada órbigen. «Astanada ótkiziletin Sammıt halyqaralyq qaýymdastyq tarapynan álemdegi qaýipsizdik pen yntymaqtastyqty nyǵaıtý, Batys pen Shyǵys arasyndaǵy qarama-qaıshylyqtardy eńserý, Eýratlantıka jáne Eýrazııa keńistiginde bólinbeıtin qaýipsizdik qoǵamdastyǵyn qurý jolyndaǵy Qazaqstan men onyń jalpyulttyq kóshbasshysynyń erekshe rólin moıyndaýdyń jarqyn úlgisi bolmaq. Búgin bizdiń Astana Sammıti - Elbasynyń táýelsizdik jyldaryndaǵy tabysty júrgizip kele jatqan ishki jáne syrtqy saıasatynyń saltanatyna aınalady dep málimdeýge tolyq negizimiz bar», depti ekeýara áńgime barysynda Q.Saýdabaev.

***

«Memleket basshysy Nursultan Nazarbaev Qazaqstan Respýblıkasy Esep komıtetiniń tóraǵasy Omarhan Óksikbaevty qabyldady», dep jazady «Kazahstanskaıa pravda» gazeti. O.Óksikbaev Elbasyna komıtettiń aǵymdaǵy jyldyń alǵashqy jartysyndaǵy jumysy týraly baıandady. Atap aıtqanda, respýblıkalyq bıýdjettiń kiris bóliginiń oryndalýy týraly aıtty. El ekonomıkasy damýyndaǵy oń úrdisterdiń nátıjesinde 2009 jyldyń osy kezeńimen salystyrǵanda, salyq túsimderi 2 paıyzǵa óskeni atap ótildi. «Prezıdent Esep komıtetine Qarjy mınıstrligimen birlesip bıýdjetti josparlaý ádistemesin pysyqtaýdy tapsyrdy. Budan basqa, Memleket basshysy Qazaqstannyń barlyq ulttyq qorlaryn tekserýdi jáne olardyń jumysynyń tıimdiligi týraly baıandaýdy tapsyrdy», degen O.Óksikbaev.