Astana Sammıti álemdegi áleýmettik máselelerdi birlesip sheshýge degen talpynys - Májilis depýtaty
ASTANA. 14 qańtar. QazAqparat /Aıdar Ospanalıev/ - Astana Sammıtiniń Deklaratsııasynda Memleket basshysynyń álemdegi áleýmettik máselelerdi sheshýge baǵyttalǵan saıasaty kórinis tapqan.
Bul týraly Májilis depýtaty Ýálıhan Qalıjan Parlament palatalarynyń birlesken otyrysynan soń jýrnalısterge bergen suhbatynda málim etti.
Onyń sózine qaraǵanda, Qazaqstan 19 jyl ishinde úlken jetistikterge jetti. Qazir qart qurlyq Eýropanyń ózi Qazaqstandy moıyndaıdy.
«Biz álemdegi beldi uıymdardyń biri - Eýropadaǵy qaýipsizdik jáne yntymaqtastyq uıymynyń tizginin ustadyq. Tek ustap qana qoımaı, Astanada onyń Sammıtin de ótkizdik. Sammıttiń Deklaratsııasyn oqı otyryp, biz Memleket basshysynyń áleýmettik saladaǵy máselelerdi sheshýge baǵyttalǵan saıasatyn kóremiz. ıAǵnı ol - Aral teńiziniń máselesi, ol - Aýǵanstan problemasy. Saıyp kelgende, bul álemdegi áleýmettik máselelerdi birge sheshýge degen talpynys»,-dedi depýtat.
