Astana sahnasynda jas talanttardyń «Án júregim - Astana» baıqaýy ótedi
ASTANA. 13 maýsym. QazAqparat - Astananyń 14 jyldyǵyn merekeleý kúnderi «Án júregim - Astana» respýblıkalyq án baıqaýyna qatysý úshin Qazaqstannyń barlyq aımaǵynan talantty jastar keledi.
Baıqaý qatysýshylarynyń ónerin qazylar alqasy anyqtaıdy. Qazylar alqasynyń tóraıymy Nurjamal Úsenbaevanyń aıtýynsha, osy baıqaýdan soń qatysýshylarǵa kásibı ósýge jol ashylady.
Atalmysh baıqaý jyl saıyn ótkizilip keledi. Oǵan Qazaqstannyń ár aımaǵynan 18-30 jas aralyǵyndaǵy talanttar qatysa alady. Qatysýshylarǵa qoıylatyn basty talap - avtorlyq án jáne Astanaǵa arnalǵan týyndy oryndalýy tıis. Suranymdar 15 maýsymǵa deıin qabyldanady. Qatysýshylardy tyńdaý 25 maýsymda ótedi. Baıqaý jeńimpazdary 2012 jyly 4 shildede Konress-Holl saraıynda ótetin Gala-kontsertte óner kórsetedi.
«Án júregim - Astana!» - bul tek jas talanttarǵa joldama bolarlyq baıqaý ǵana emes, Astana kúnine mýzykalyq tartý bolarlyq erekshe oqıǵa.
