Astana sahnasynda «Mánshúk erligi» jańa áni oryndaldy
ASTANA. 25 jeltoqsan. QazAqparat - Astana qalasyndaǵy Qazaq ulttyq óner ýnıversıtetiniń halyq aspaptar orkestiriniń «Merekelik sherý» atty kontsertinde alǵash ret «Mánshúk erligi» atty jańa án oryndaldy.
Bul - Keńes Odaǵynyń batyry Mánshúk Mámetovaǵa arnalǵan shyǵarma.
Bıyl Uly Otan soǵysynda asqan erligimen shyǵystyń jaryq juldyzy atanǵan qazaqtyń dańqty qyzynyń týǵanyna 90 jyl toldy. Jańa ánniń shyǵýy osy datamen tuspa-tus kelip otyr.
Bul orkestrdiń súıemeldeýimen jeke daýysqa jáne horǵa arnalǵan kúrdeli formadaǵy mýzykalyq shyǵarma ekenin aıta ketken jón. Ánniń sózin jazǵan aqyn, Qazaqstan Jazýshylar odaǵynyń múshesi Aıbatyr Seıtaq. Ánniń avtory - mádenıet qaıratkeri, sazger Nurlan Bekenov. Alǵash ret oryndaýshy atalǵan ýnıversıtettiń І kýrs stýdenti Azat Málik.
Án: «Qara bult aspan torlady,
Beıbit-Kún jaryq sóngende.
Qyzdar da Otan qorǵady
Batystan qater tóngende» dep bastalady.
Al qaıyrmasy:
«Dushpanǵa qarsy kúresken
Halqymnyń batyr ul-qyzy.
Qazaqtyń qyzy Mánshúgim -
Shyǵystyń jaryq juldyzy!»- dep túıindeledi.
Sonymen qatar bul kontsertte halyq kompozıtorlarynyń jáne qazirgi sazgerlerdiń shyǵarmalary kórermen nazaryna usynyldy.
