Astana sahnasyndaǵy Malaızııa daýysy: ıAzmın Azızdiń Silk Way Star jobasyndaǵy jarqyn oqıǵasy
ASTANA. KAZINFORM — Malaızııalyq ánshi ıAzmın Azız — Azııadaǵy alǵashqy megajoba Silk Way Star-dyń este qalarlyq qatysýshylarynyń biri. Kúshti daýysy, erekshe tembri, harızmasy jáne muqııat oılastyrylǵan sahnalyq beıneleri ony jobanyń eń kóp talqylanatyn ártisteriniń birine aınaldyrdy.
ıAzmın Azız alǵashqy epızodtardan bastap ózin senimdi túrde kórsetti. Onyń árbir nómiri vokal, vızýaldy tujyrymdamasymen jáne kásibı oryndaýymen erekshelendi. Halyqaralyq qazylar alqasy onyń turaqtylyǵy men árbir apta derlik alyp otyrǵan joǵary baldaryn birneshe ret atap ótti.
Birinshi epızod Silk Way Star sahnasyndaǵy jumsaq jáne áserli ónerimen este qaldy. Ánshi Lihatlah avtorlyq kompozıtsııasyn oryndap, kórermenderdi vokalynyń náziktigi jáne tazalyǵymen baýrap aldy.
Álemdik hıtter oryndalǵan jobanyń ekinshi epızodyn ıAzmın Azız Flowers ánimen ashty. Jarqyn vızýaldy rejıssýra, gúlder jáne emotsıonaldy jetkizý trektiń kóńil-kúıin tamasha beıneledi.
Kórermender ánshiniń árqashan kúshti kompozıtsııalardy tańdap, olardy ózindik erekshe tásilmen — jańa, kórkem jáne túpnusqaǵa qurmetpen jetkizetinin atap ótti. Astanada ártiske barlyq efırlerge qatysqan jigiti qoldaý kórsetti.
Maýsymnyń eń kútpegen óner kórsetýleriniń biri — malaızııalyq ánshiniń qazaq hıti «Bul mahabbat» ánin oryndaýy boldy.
Basqa tilderdegi ánderge arnalǵan tórtinshi shyǵarylymda ol mońǵolııalyq Chigi tigi boom hıtin tańdady. Qazylar alqasy onyń vokalyna ǵana emes, sonymen qatar ártistik sheberligine de joǵary baǵa berdi, onyń óner kórsetýi basqa qatysýshylardan erekshelendi.
Kelesi epızodta ánshi Malaızııanyń Sayang Kinabalu halyq ánin oryndady. Ol kıgen ulttyq kıim men ándi jarqyn oryndaý Malaızııa rýhyn tanytyp, kórermenderdiń oń baǵasyn aldy.
ıAzmın Azız jobanyń altynshy epızodynda sońǵy jyldardaǵy álemdik hıtter shyǵarylymyn Ledı Gaganyń Abracadabra ánimen ashty. Onyń senimdi, kúshti óneri vokaldyq sheberligi men emotsıonaldy ekpin jasaý qabiletin taǵy da kórsetti.
Ártis jetinshi epızodta qazaq repertýaryna taǵy oraldy. Ol «Súgirdiń termesi» ánin oryndady. Kórermenderdi ánshiniń batyl tańdaýy men zamanaýı qazaq beınesin tanyta bilýi tańqaldyrdy.
Kezekti segizinshi epızodty ashqan ıAzmın rok ánshisi beınesinde «Proud Mary» ánin oryndady. Bul óneri oǵan aptanyń eń úzdik oryndaýshysy ataǵyn ákeldi.
Jartylaı fınalda malaızııalyq ánshi qazaqstandyq oryndaýshy Mona Songz-ben dýet quryp, Kosong ánin oryndady. Qazaqstandyq ánshi ándi qatysýshynyń ana tilinde oryndady. Dýet joǵary baǵa alyp, epızodtyń eń este qalarlyq juptarynyń birine aınaldy.
ıAzmın Azız Silk Way Star sahnasyndaǵy tabysynan basqa jaqynda Malaızııanyń 30 kórnekti áıeliniń biri atandy.
Jobanyń grand-fınaly 22 qarashada saǵat 20:00–de Jibek Joly telearnasynda tikeleı efırde ótedi. Tikeleı kórsetilim Qazaqstan, Ázerbaıjan, Tájikstan, Qyrǵyzstan jáne Mońǵolııada ótedi.
Jobanyń fınaldyq «jetiligine» kelesi ánshiler kirdi:
— ALEM (Qazaqstan);
— ıAzmın Azız (Malaızııa);
— Avtandıl Abeslamıdze (Grýzııa);
— Mıshel Djozef (Mońǵolııa);
— Chjan He Sıýan (Qytaı);
— Saro Gevorgıan (Armenııa);
— Madınaboný Adylova (Ózbekstan).
Jeńimpaz aralas júıe boıynsha anyqtalady: 50% — qazylar alqasy jáne 50% onlaın kórermenderdiń daýys berýi arqyly. Súıikti ártisińizdi silkwaystar.org saıtynda qoldaı alasyz. Daýys berý júrgizýshiler jarııalanǵan kezde bastalady.
«Silk Way Star» jobasy Qazaqstan Respýblıkasy Prezıdentiniń Teleradıokesheni men China Media Group (CMG) arasyndaǵy kelisim aıasynda júzege asyrylyp otyr.
Jobada qazaqstannyń namysyn qorǵap júrgen belgili ánshi Alem eksklıýzıv suhbat bergen edi.
Sonymen qatar Silk Way Star eýropalyq sarapshylardy joǵary kásibıligimen tańǵaldyrdy.