«Astana» RTS-yn jańartý radıosıgnal tolqyny senimsiz «kóleńke aımaqtardy» joıýǵa múmkindik berdi - Qazteleradıo
ASTANA. QazAqparat - 27 aqpanda Qazaqstan Respýblıkasynyń radıohabar taratý Ulttyq jelisin damytý aıasynda «Astana qalasyndaǵy radıohabar taratý jelisin jańartý (modernızatsııalaý)» jobasy aıaqtaldy.
«Qazaqstan Respýblıkasynyń teleradıohabar taratý salasynyń ulttyq operatory «Qazteleradıo» AQ elimizdiń bas qalasy Astanada radıohabar taratý jumysynyń sapasyn arttyrý maqsatynda, «Astana» radıotelevızııalyq stansasyn jańartý jobasyn aıaqtady. Atalǵan jobanyń júzege asyrylýy nátıjesinde, elorda turǵyndary búgingi kúni jumys jasap jatqan radıohabarlardy jańa sapada tyńdap qana qoımaı, jańadan translıatsııalanatyn «Juldyz» radıobaǵdarlamasyn tyńdaý múmkindigine ıe boldy», dep habarlaıdy «Qazteleradıo» AQ-nyń baspasóz qyzmetinen.
Teleradıohabar taratý salasyndaǵy zamanaýı qondyrǵylardy paıdalaný bas qalamyzdaǵy radıosıgnal tolqyny senimsiz «kóleńke aımaqtardy» joıýǵa múmkindik berdi. Eger bul jumystarǵa deıin memlekettik «Qazaq radıosy» men «Shalqar» radıobaǵdarlamalary Astana qalasyna irgeles jatqan 33 eldi mekenge taralsa, búginde olardyń sany 54-ke jetip, turǵyndardyń 92%-yn qurady.
«Astana» radıotelevızııalyq stansasynan sapaly radıohabardy taratý úshin «Qazteleradıo» AQ qyzmetkerleri qabyldaý-taratý qondyrǵylaryn jańa tehnıkalyq talaptarǵa sáıkestendirip, sandyq teleradıohabar taratýdy baqylaý men monıtorıngteý júıesimen baılanystyrdy. Bul paıdalanyp otyrǵan qondyrǵylardy koldaný men jóndeý jumystaryn jeńildetip qana qoımaı, radıohabar taratý jumysynyń sapasyn arttyrady.
Búgingi tańda «Astana» RTS-nan zamanaýı qondyrǵylardy paıdalana otyryp, 12 otandyq radıoarna translıatsııalanady. Jańa qondyrǵylardy iske engizý jumysy, «Astana» RTS-nan taralatyn teleradıohabarlardyń tehnıkalyq qyzmet ókilderiniń qatysýymen júzege asty.
