«Astana-Rıdder» poıyzy jolda qaldy - Jolaýshylarǵa ótemaqy tólenedi
ASTANA. QazAqparat - «Astana - Rıder» baǵytyndaǵy №376 poıyzdyń sapary Degeleń-Semeı aýmaǵynda toqtady, dep habarlaıdy «QazAqparat» HAA tilshisi «Jolaýshylar tasymaly» AQ baspasóz qyzmetine silteme jasap.
Qozǵalysty jalǵastyrýǵa dóńgelek blogyndaǵy tehnıkalyqaqaý sebep bolǵan. Aqaýdyń bary Shaǵan stantsııasyndaǵy tekseris kezinde anyqtalǵan.
«Poıyz májbúrli túrde toqtatylǵannan keıin jolaýshylarǵa barlyq qajetti qyzmetter kórsetilip, tegin tamaq berildi. Tasymaldaýshylar 198jolaýshyny Semeı stantsııasyna deıin «Pavlodar-Almaty» baǵytynda ketip bara jatqan №31 poıyzǵa salyp jiberdi. Sonymen birge, 99 jolaýshy Óskemen men Rıdderge deıin 99 jolaýshy avokólikpen jetkiziledi», - delingen habarlamada.
«Jolaýshylar tasymaly» AQ qolaısyzdyqqa baılanysty jolaýshylardan keshirim surady. Dit degen jerine jetkennen keıin jolaýshylarǵa ótemaqy tólenedi.
