«Astana Riano Rassion» jas pıanıster baıqaýynyń fınalısi Sanjaráli Kópbaev «Ult bolashaǵy» Qazaqstan lıstıngine endi

«Ult bolashaǵy» VIP lıstıngine elimizdiń áleýetti kóshbasylary - respýblıkalyq jáne halyqaralyq ıntellektýaldy, jalpy bilim beretin, ǵylymı, mýzykalyq, sporttyq jarystar olımpıadalarynyń jeńimpazdary tirkeledi. Lıstıng uıymdastyrýshylary: «Bul balalar ári qaraı jeke bas jáne kásibı ósýde orasan zor múmkindikke ıe, olar - bizdiń elimizdiń áleýetti kóshbasylary. Jumys berýshiler men ınvestorlar osyndaı elimizdiń tulǵalaryna jáne kásipqoılaryna qyzyǵýshylyq tanytady», - dep sanaıdy. «Ult bolashaǵy» lıstıngine qatysýshylar jasy 35 jastan aspaıdy. Sanjaráli Kópbaev - Qazaqstannyń ár aımaqtarynan jınalǵan 26 daryndy balalardyń ishindegi eń jasy.

Sanjaráli Kópbaev - «Astana Piano Passion» Birinshi halyqaralyq jas pıanıster baıqaýynyń Qazaqstannan shyqqan jalǵyz fınalısi. Jasy toǵyzda bolsa da, ol baıqaý qazylary men qonaqtaryn óziniń dybys túrliligimen, jandy oıynymen jáne ózindik erekshelikterimen baýrap aldy. «Acordi di Astana» Qoǵamdyq qory Sanjarálige aqshalaı syılyqtan basqa, jazǵy demalysyn Sýzdal qalasyndaǵy «Novye ımena» Qorynyń jazǵy shyǵarmashylyq mektebinde ótkizýine múmkinshilik berdi. Sanjaráli ýaqytyn P.I. Chaıkovskıı atyndaǵy Máskeý memlekettik konservatorııasy men Gnesın atyndaǵy Reseılik mýzyka akademııasynyń belgili professorlarymen ótkizip, basqa da Reseı, TMD memleketteri, Baltııa jáne alys shetel aımaqtarynan kelgen daryndy balalarmen tanysty.

«Ult bolashaǵy» tizimine engen balalardyń jetistikteri ár salaǵa, ıaǵnı molekýlaly bıologııadan bastap, kıim árlemine deıin qatysty jáne olardyń árqaısysy jas shamalaryna qaramastan, óz salalarynda úlken jetistikterge jetken. VIP lıstınginiń tártibi qatysýshylardyń jetistikterin maquldaıtyny jaıly aldyn ala tekserýdi qarastyrady. Bul tizim jas talanttardyń odan ary damýy men ósýi úshin ınvestorlardyń nazaryn aýdarady.