Astana irgesinde 4 týysyn óltirgen kúdiktiden reaktıvti psıhoz anyqtaldy
ASTANA. KAZINFORM — Іshki ister mınıstriniń orynbasary Sanjar Ádilov elorda irgesindegi Jibek joly aýylyndaǵy 4 adam ólimine qatysty tergeýdiń mán-jaıyn aıtty.
— Qazirgi ýaqytta biz Qylmystyq kodekstiń 99-babynyń 3-bóligi («Kisi óltirý») boıynsha tergeýdi aıaqtap jatyrmyz. Kúdikti qazir statsıonarlyq sot-psıhıatrııalyq saraptamadan ótýde. Onyń reaktıvti psıhoz jaǵdaıynda ekeni anyqtaldy, — dedi Sanjar Ádilov Senat kýlýarynda tilshilerge bergen suhbatynda.
Eske salsaq, 2 naýryzda polıtsııa 4 týysyn qatigezdikpen óltirdi dep kúdikke ilingen aqmolalyqty izin sýytpaı ustaǵan edi. Er adam otbasy múshelerin óltirip, olardyń dene múshelerin bólshektep tastaǵan.
Buǵan deıin Sanjar Ádilov Astanadaǵy «Kóktem-3» turǵyn úı kesheninde balalar qaza tapqan órtke qatysty pikir bildirgen edi. Іs boıynsha ázirge esh kúdikti joq.
