«Astana» «Rendi» jeńgen soń Qazaqstan ÝEFA reıtınginde joǵarylady
ASTANA. QazAqparat - «Astana» fýtbol klýbynyń Eýropa lıgasynyń toptyq kezeńinde Frantsııanyń «Renn» komandasyn 2:0 esebimen jeńýi Qazaqstannyń ÝEFA-daǵy ornyna oń yqpal etti, dep habarlaıdy Sports.kz.
Buǵan deıin Grıgorıı Babaıan shákirtteri 1-týrda syrt alańda Kıevtiń «Dınamo» komandasymen 2:2 esebinde teń túsken bolatyn.
Keshegi jeńistiń arqasynda Qazaqstan ÝEFA elderi reıtınginde bir saty joǵarylap, 18,500 koeffıtsıentimen 26-orynǵa turaqtady. Týra osyndaı kórsetkishke ıe Ázerbaıjan 27-orynǵa syrǵydy, al 25-orynda Izraıl (18,625) tur.
Reıtıng basynda burynǵysha - Ispanııa (89,712). Úzdik úshtikti Anglııa (67,748) jáne Italııa (67,725) túıindedi.
