«Astana-REK» elektr qýatynyń ýaqytsha sóndirilý sebebin túsindirdi

ASTANA. QazAqparat - Elordada elektr jelilerine kúrdeli jáne aǵymdaǵy jóndeý jumystary júrgizilýde, shaǵyn stantsııalar jabdyqtalýda. Sol sebepti qalanyń keıbir aýdandarynda elektr qýaty josparly ajyratylady, dep habarlady Astana qalasy ákimdiginiń medıa ortalyǵy .

«Astana-REK» AQ óndiris boıynsha basqarma tóraǵasynyń birinshi orynbasary Seıil Menkınniń aıtýynsha, qazirgi ýaqytta jóndeý naýqany aıasynda josparlanǵan sharalardyń barlyǵy qatań keste boıynsha júrgizilýde. 

«15 qazanǵa deıin biz kúz-qys merzimderine daıyndyǵymyz jóninde QR Energetıka mınıstrliginiń atomdyq jáne energetıkalyq qadaǵalaý jáne baqylaý komıtetinen tólqujat alýdy josparlap otyrmyz», - dedi S.Menkın.

Halyqaralyq EKSPO kórmesin ótkizý aýmaǵynda elektr qýatyn josparly sóndirý bolmaıdy. 
«Bul aýdanda bizde jańa qurylǵy jáne senimdi elektrmen jabdyqtaý syzbasy qarastyrylǵan», - dep jalǵady sózin S.Menkın.
Jóndeý jumystary kezinde elektr qýatynyń ýaqytsha sóndirilý boıynsha belgilengen tártibi saǵat 9:00-den 18:00-ge deıin jalǵasady.

Mamannyń aıtýynsha, elordalyq tutynýshylarǵa tek apattyq jaǵdaılarda nemese sırek saǵat 21:00-den elektr qýatyn berý toqtatylady. Josparly ajyratý qarastyrylǵan aýdandar týraly aqparat «Astana-REK» AQ saıtynda, BAQ pen áleýmettik jelilerde jarııalanǵan.