«Astana» radıosynda jańa baǵdarlamalar tyńdarmandarǵa jol tartty
ASTANA. 23 qyrkúıek. QazAqparat - Qyrkúıek aıynda «Astana» radıosynyń tyńdarmandarymen bólisetin jańalyqtary mol bolyp otyr.
Jańa jobalar da jeterlik. Kópshiligi jastardyń aýdıtorııasyna beıimdelgen.
Almas Baıdrahmannyń júrgizýindegi «Ádilet álemi» habary qabyldanǵan zańdar men qaýly-qararlar jáne quqyqtyq baǵytta órbıdi. Ár seısenbi saıyn 13:20 da ótetin «Ádilet álemi» habary arqyly tyńdarmandar zań, quqyq salasynda ózderine tolyqqandy málimet ala alatyn bolady.
Tyńdarmandardy ár kúnniń ataýly oqıǵalarymen, dúnıejúzi jáne eldegi qyzyqty jańalyqtarmen, sol kúni dúnıege kelgen tanymal tulǵalardyń ómiri jáne eńbegimen tanystyratyn «Keshki Astana» habary da tyńdarmandardyń ystyq yqylasyna bólenbek. Atalmysh baǵdarlama dúısenbi men juma aralyǵynda kúndelikti tikeleı efırde saǵat 17:20 men 18:50 aralyǵynda júredi. Baǵdarlamaǵa Astana radıosyndaǵy mýzykalyq júrgizýshilerdiń barlyǵy atsalysady.
Táýelsiz Qazaqstan tarıhynda tuńǵysh dep tańbalanyp, artyna óshpes iz qaldyrǵan otandastar az emes. Olar qazir bizdiń aramyzda júr. Osyndaı tuńǵysh dep tanylǵan tulǵalar «Tuńǵyshtar» habarynda dáripteledi. Ár seısenbi saıyn 19:20 -da «Tuńǵyshtar» baǵdarlamasyn Zeınet Musabaevanyń júrgizýinde tyńdaı alasyz.
Janbolat Shákimniń «Shabyt» habary ár senbi kúni 14.20 -da bastalady. Habardyń maqsaty - halyqaralyq, respýblıkalyq deńgeıdegi baıqaýlardyń jeńimpazdary men laýreattaryn, ónerdiń ár salasynda bıik belesterdi baǵyndyrǵan jas talanttardy qoldaý, nasıhattaý.
«Sharaına» aptalyq-saraptamalyq baǵdarlamasy ár jeksenbi kúni saǵat 12:20 men 12:40 aralyǵynda Dosymjan Ermurattyń júrgizýinde ótedi. Baǵdarlamanyń negizgi maqsaty álemdegi jáne Qazaqstanda bolǵan aptadaǵy aıshyqtaǵy oqıǵalarǵa sholý jasaý. Sarapshylar men saıasatkerlerdi qatystyrý arqyly tyńdarmandarǵa dál ári anyq aqparattardy jetkizý. Baǵdarlamanyń orys tilindegi shyǵarylymyn Nıkolaı Fedotov daıyndap, tyńdaýshylarǵa usynady. Resmı tildegi jańa jobalar munymen shektelmeıdi.Al ár kún saıyn keshki saǵat 19.00-21.00 aralyǵynda orys tilinde shyǵatyn «V Chas pık» aqparatty-oıyn-saýyqtyq baǵdarlamasy Astana turǵyndary men qonaqtarynyń bir kúndik tynys-tirshiligimen tanystyrady. Tyńdarmandarymyz qalada qandaı mańyzdy oqıǵalar boldy, qaı jerde, qashan - osynyń barlyǵyn oqıǵa ornynda bolǵan bizdiń tilshilerimiz arqyly bile alady. Oǵan qosa, ózderi de stýdııamyzǵa habarlasyp, tikeleı tolqynda qala tirshiliginiń túıtkildi máselelerin talqylap, óz oı-pikirin, kózqarasyn bildire alady.
«Vas prınıalı» - ár dúısenbi saıyn saǵat 15.20-da tikeleı efırde shyǵatyn Janna Chýlanovanyń avtorlyq baǵdarlamasy. Habardy tyńdaý arqyly mamandyq ıelerimen suhbattasyp, san túrli kásiptiń qyr-syryna úńile alasyz. Tek tyńdap qana qoımaı, habar qonaǵyna óz suraǵyńyzdy qoıý arqyly tolymdy jaýap alasyz.
Ár senbi saıyn 13.20-da Saltanat Aryqbaevanyń «Interneıshnl Revıý» aqparattyq-saraptamalyq habarynan jurtshylyq elimizde jáne álemde bolyp jatqan saıası oqıǵalar men mádenıet, sport, bilim salalaryndaǵy jańalyqtardy taba alady.
«Tochka opory» habary ár sársenbi saıyn 19.20-da shyǵady. Ár adam kúıbeń tirlikten, aınaladaǵylardan keıde qajyp, ózin mazalaǵan san suraqqa jaýap izdeıdi. Ózin tolǵandyrǵan máseleniń sheshimin tapqysy kelgen tyńdarmandarymyz efırge habarlasyp, suraqtaryn qoıýyna ábden bolady. Arnaıy mamandar, psıhologtar suraqtaryńyzǵa jaýap beretin bolady.
