«Astana» radıosy beınetranslıatsııasynyń resmı tusaýkeseri bolady
ASTANA. 18 qarasha. QazAqparat - Radıony, ózimizdiń súıikti júrgizýshilerimizdi tyńdaı otyryp, árkez olardyń álemine enip, baǵdarlamany qalaı júrgizetinin kózben kórip, tanymal tulǵalarmen bolǵan suhbattaryna kýá bolǵymyz keletini ras.
Mine, osyndaı taptyrmas múmkindik taıaýda búkil elorda jastaryna tanymal «Astana» radıotolqynynda paıda boldy. Tikeleı efır stýdııasyna ornatylǵan veb-kamera arqyly endi súıikti baǵdarlamalarymyzdy tyńdap qana qoımaımyz, onlaın rejımde kóre de alamyz.
«Astana» radıosynyń www.astanafm.kz saıtyna kirseńiz, onlaın-pleerdyń ornynda ekrannyń joǵarǵy oń jaǵynda radıodaǵy qaınaǵan tirshilikti vızýaldy qabyldaýyńyzǵa múmkindik beretin ekran ornalasqan. Radıostantsııanyń batyl qadamyn ınternet jeliniń turaqty da belsendi tyńdarmandary qýana-qýana qabyldady. Óıtkeni «Astana» radıosyn súıip tyńdaıtyn barsha qaýym stýdııadaǵy ishki jaǵdaıdy baqylap, tikeleı qosylýlar men shyǵarmashylyq protsesterdi tamashalaı alady.
Eki apta boıy veb-kamera testik rejımde jumys jasady. Efırdiń beınetranslıatsııasynyń resmı tusaýkeseri 2013 jyldyń 20 qarashasynda bolady. Bul kúni «Astana» radıosynyń ujymy tek tyńdarmandaryna ǵana emes, sonymen qatar kórermenderine de birqatar tosyn syı ázirlep otyr. «Astana» jastar radıostantsııasy bolǵandyqtan, kúnniń basty taqyryby - jastar, olardyń tynys-tirshiligi. Barlyq syrdy aqtarmaıyq. Redaktsııa óziniń eń jaqsy jobalarynyń arnaıy shyǵarylymyn ázirlep jatqandyǵyn ǵana aıtamyz. Tańǵy efır sizderdi «Lastochka» atty ıýnıor-cherlıderler komandasy usynatyn keremet bımen, KTK komandalarynyń ázilderimen bir qýantsa, keıin «Nazarbaev ıntellektýaldy mektebiniń» oqýshylary - jas fızıkterdiń oılap tapqandaryn kóre alasyzdar. Keshki efırde - ánshi Son Paskal, VIA «Baıjan Grýpp» jáne taǵy basqalary.
