«Astana Qazaqstan Team» komandasy «Výelta Andalýsııa» kópkúndigine qatysady

ASTANA. KAZINFORM - Qazaqstandyq «Astana Qazaqstan Team» komandasy joǵary dárejeli «Výelta Andalýsııa» kópkúndigine qatysatyn quramyn jarııalady.

Velokópkúndik 14 jáne 18 aqpan aralyǵynda Ispanııada ótkiziledi.

Atalǵan velojarysta «Astana Qazaqstan Team» komandasynyń quramynda Gleb Brýsenskıı, Lorentso Fortýnato, Maks Kanter, Vadım Pronskıı, Danııl Marýhın, Rıýdıger Zelıg, Santıago Ýmba saıysqa túsedi.

«Výelta Andalýsııa» kópkúndigi 1925 jyldan beri turaqty túrde ótkizilip keledi.

Qazaqstandyq veloshabandozdar qatarynan Aleksandr Shefer 2001 jyly úshinshi oryn alǵan edi.

Kópkúndikte jekeleı synda ıspanııalyq Alehandro Valverde 2012, 2013, 2014, 2016, 2017 jyldarda bes márte jeńimpaz atandy.

Eske salsaq, budan buryn Aýstralııanyń Adelaıda qalasynda trektegi velosporttan Ulttar kýbogy ótkizildi.