«Astana Qazaqstan Team» Aýstralııadaǵy velojarysqa qatysady
ASTANA. KAZINFORM - «Astana Qazaqstan Team» velokomandasy kópkúndik «Týr Daýn Ander» jarysyna qatysatyn quramyn jarııalady.
Kópkúndik velojarys 16 men 21 qańtar aralyǵynda ótkiziledi.
Komanda quramynda Samýele Battıstella, Djanmarko Garofolı, Mıkele Gadzolı, Dmıtrıı Grýzdev, Maks Kanter, Krıstıan Skaronı, Rýdıger Zelıg synǵa túsedi.
Sondaı-aq, qazaqstandyq Dmıtrıı Grýzdev «Astana Qazaqstan Team» velokomandasymen kelisim-shartty uzartty.
Dmıtrıı Grýzdev qazaqstandyq jobada 12 tolyq maýsymdy ótkizdi. Osy kezeńde 9 Grand-týr men 20 monýmentaldy klassıkalyq jarystardan ótti. Onda ol árqashan komandalyq maqsattar men kóshbasshyny qoldaýda tolyqtaı oıyn órnegin kórsete aldy.
Ol aralas komandalyq jarysta Azııa chempıonatynyń altynyn jeńip alyp, jazǵy Azııa oıyndarynyń toptyq jarysynda 5-shi boldy.
Eske salsaq, budan buryn Aýstralııada álemdik «Virtus Cycling World Series» dodasynda qazaqstandyq Dastan Ordabaı 2 altyn medal jeńip aldy.
