Astana protsesi: Sırııa máselesi boıynsha 21-kezdesý ótedi

ASTANA. KAZINFORM – «Astana formatyndaǵy» kepilger elderdiń ujymdyq ótinishine sáıkes 24-25 qańtar kúnderi Qazaqstan elordasynda 21-shi halyqaralyq kezdesý ótedi.

Astana protsesi aıasyndaǵy Sırııa máselesi boıynsha kelissózderge Reseı, Túrkııa, Iran, Sırııa úkimeti men oppozıtsııasynyń delegatsııalary qatysady. Al baqylaýshylar retinde Iordanııa, Irak jáne Lıvan, sondaı-aq BUU, BUU Bosqyndar isteri jónindegi Joǵarǵy komıssarynyń basqarmasy men Halyqaralyq Qyzyl Krest komıtetiniń ókilderi atsalysady dep kútilýde.

Aldyn ala kún tártibine Sırııa tóńiregindegi óńirlik ahýaldy damytý, SAR-daǵy keshendi retteý jónindegi kúsh-jiger, Sırııadaǵy gýmanıtarlyq ahýal jáne Sırııany janjaldan keıingi qalpyna keltirýge járdemdesý maqsatynda halyqaralyq qoǵamdastyqtyń kómegin jumyldyrý jáne t.b. máseleler engizildi.