Astana protsesi aıasyndaǵy kelissóz nátıjeli aıaqtaldy — Álibek Baqaev
ASTANA. KAZINFORM — Búgin elordada Sırııadaǵy jaǵdaıdy retteýge arnalǵan Astana protsesi aıasyndaǵy halyqaralyq kelissózderdiń 22-shi raýndy nátıjeli aıaqtaldy. Bul týraly atalǵan kelissózderdiń jalpy otyrysynda Syrtqy ister mınıstriniń orynbasary Álibek Baqaev málim etti.
«Búgin Astana protsesi aıasynda Sırııa jónindegi joǵary deńgeıdegi kezekti 22-halyqaralyq kezdesý nátıjeli aıaqtaldy. Sońǵy 2 kún ishinde kelissózge qatysýshy taraptar Astana protsesiniń kezekti otyrysy aıasynda Sırııadaǵy jaǵdaıdy ári qaraı turaqtandyrýǵa jáne ondaǵy gýmanıtarlyq jaǵdaıdy jaqsartýǵa baǵyttalǵan asa mańyzy ári mazmundy kelissózder ótkizdi. Ózderińizge málim, Qazaqstan Respýblıkasy óziniń múmkindikterine oraı dostas Sırııa halqyn jáne sırııaishilik retteý protsesin qoldaýǵa kúsh-jigerin salyp keledi», — dedi mınıstrdiń orynbasary.
Onyń atap ótýinshe, Sırııa jónindegi Astana formaty aıasynda Qazaqstanda ótken kelissózderdiń deeskalatsııa aımaqtaryn qurý, janjaldasýshy taraptar arasyndaǵy shıelenisti toqtatý jáne adam shyǵyndaryn azaıtý tárizdi bastapqy maqsattary búginde tolyqtaı oryndalyp, sırııalyqtardyń qalypty turmys-tirshiligin qaıta qalpyna keltirýge zor múmkindikter ashyp otyr.
«Osy oraıda, múddeli taraptar Astana protsesiniń nátıjesinde qalyptasqan qolaıly jaǵdaıdy barynsha tıimdi paıdalana otyryp, qaqtyǵystyń saıası sheshimin tabýǵa barynsha yqpal etedi degen kámil senimizdi bildiremiz», — dedi Álibek Baqbaev.
Kezdesýge qatysý úshin Qazaqstan elordasyna 11 delegatsııa keldi. Sırııa Úkimetiniń kelissóz tobyna Syrtqy ister jáne ekspatrıanttar isteri jónindegi mınıstrdiń orynbasary Aıman Raad jetekshilik etse, Sırııa oppozıtsııasy atynan Ahmad Toma basshylyq etti.
Sonymen qatar kezdesýge kepilger elderdiń delegatsııalary qatysty: Reseı delegatsııasyn Sırııadaǵy jaǵdaıdy retteý boıynsha RF Prezıdentiniń arnaıy ókili Aleksandr Lavrentev, Túrkııa delegatsııasyn TR SІM-niń Ekijaqty saıası qatynastar jónindegi bas dırektory Mýstafa ıÝrdakýl, al Iran delegatsııasyn IIR SІM-niń Arnaıy saıası máseleler jónindegi kómekshisi Alı Asgar Hadjı.
Kelissózderge baqylaýshy retinde Iordanııa, Lıvan jáne Irak ókilderi, sondaı-aq halyqaralyq uıymdar — Birikken Ulttar Uıymy, BUU-nyń Bosqyndar isteri jónindegi joǵarǵy komıssarynyń basqarmasy jáne Qyzyl Krest ókilderi qatysty.
