Astana prokýrory josyqsyz qurylysshylardyń sheteldegi múlikterin anyqtaýdy tapsyrdy
ASTANA. QazAqparat - Elorda prokýrory quqyq qorǵaý organdaryna josyqsyz qurylys salýshylardyń sheteldegi múlikterin anyqtaýǵa tapsyrma berdi, dep habarlaıdy «QazAqparat» HAA Astana prokýratýrasynyń baspasóz qyzmetine silteme jasap.
«Elorda prokýratýrasynda turǵyn úı-úleskerlik qurylys isterimen aınalysatyn quqyq qorǵaý organdarynyń qatysýymen vedomstvoaralyq jınalys ótkizildi. Jınalys barysynda qala prokýrory Bolat Dembaev tergeýshilerge úleskerler qarajatyn urlaýǵa qatysýshy tulǵalardyń (býhgalterler, seriktester, qosalqy merdigerler jáne taǵy basqalar) qylmysyn anyqtaýdy tapsyrdy», - dep habarlady vedomstvo.
Sondaı-aq, olardyń jaqyn týystaryna rásimdelgen múlikterdi jáne shetelge shyǵarylǵan qarajattardy anyqtaý tapsyryldy. Búginniń ózinde quqyq qorǵaý organdary Kárimbekovaǵa qatysty («Jastar-4» TK salýshy) qylmystyq is qozǵap, onyń Astananyń elıtaly aýdandarynyń birindegi 180 sharshy metrden turatyn úıin anyqtady. Bul baǵyttaǵy jumystar jalǵasýda.
