Astana prokýratýrasy polıtsııanyń oqıǵa oryndaryna jaıbaraqat áreket etýin synǵa aldy
ASTANA. QazAqparat - Bul týraly búgin Zańdylyqty, quqyqtyq tártipti jáne qylmysqa qarsy kúresti qamtamasyz etý boıynsha Astana qalasy Úılestirý keńesiniń kezekti otyrysynda Astana qalasy prokýrorynyń birinshi orynbasary Tımýr Sýleımenov elorda polıtsııasyn azamattardyń shaqyrýlaryna jedel áreket etýge shaqyrdy.
«Polıtsııanyń baıaý áreket etýi ózekti problema bolyp qalýda, bul turǵyda BAQ-ta keńinen jarııalanǵan «Saryarqa» SOSO-da kassır qyzdy Tóregeldıev esimdi azamattyń soqqyǵa jyqqan oqıǵasyn mysal retinde keltirýge bolady. ıAǵnı, oqıǵa ornyna polıtsııa qyzmetkerleri 30 mınýt ótkennen keıin ǵana keldi», - dedi ol.
Onyń sózine qaraǵanda, qalalyq Іshki ister departamentine kún saıyn shamamen oryn alǵan oqıǵalar týraly eki myńǵa jýyq nemese odan astam habar túsedi.
«Osyǵan baılanysty biz ІІD basshylyǵymen polıtsııa ekıpajdarynyń baǵdarlaryn uıymdastyrý sharalaryn qaıta qarastyrdyq. Búginde polıtsııanyń áreket etýi ýaqyty birshama jaqsardy»,-dedi T. Súleımenov.
Esterińizge sala keteıik, qyrkúıektiń orta kezinde aty shýly oqıǵa elordalyq «Saryarqa» SOSO-daǵy «Kınopark» kınoteatrynda oryn aldy. Kassırmen arada daý týǵandyqtan, jigit oǵan salqyn sýdyń ydysyn laqtyryp, keıin qyzdy tepkiniń astyna alǵan. Polıtsııa buzaqyny sol kúni ustady. Bul 22 jastaǵy Astana turǵyny Qýanysh Tórekeldıev ekeni anyqtaldy.
Jelide oqıǵa beınelengen vıdeo jarııalandy. Rolık paıdalanýshylar arasynda úlken narazylyq týdyryp, tez tarap ketti.
Kúdiktige qatysty QR QK 293-baby boıynsha sot aldyndaǵy tergeý bastalǵan edi.
Qazan aıynyń orta kezinde Qýanysh Tórekeldıevke qatysty sot aldyndaǵy tergeý taraptardyń bitimge kelýine baılanysty toqtatyldy.
