Astana prokýratýrasy mektepke deıingi 37 jeke uıymnyń qyzmetinen zańbuzýshylyqtardy anyqtady
ASTANA. QazAqparat - Astana qalasynyń prokýratýrasy mektepke deıingi tárbıe jáne bilim berý boıynsha kórsetiletin qyzmet sapasynyń, sondaı-aq memlekettik bilim berý tapsyrysy aıasynda bólingen aqsha qarajatyn jumsaý máselelerine qatysty júrgizilgen tekseris barysynda mektepke deıingi bilim berý boıynsha memlekettik tapsyrysty ıgerý kezinde kásipkerlerdiń oryndalǵan jumys kólemin tym arttyryp jibergenin, aýdandyq ákimdikterdiń aqsha qarajatynyń jumsalýyn qadaǵalamaıtynyn, al jeke jaǵdaılarda bıýdjettik qarajattyń qasaqana urlanatynyn anyqtady.
Tekseris kezinde mektepke deıingi 37 jeke uıymnyń qyzmetinde memlekettik bilim berý tapsyrysynyń kólemin jalpy somasy 26 331,4 myń teńgege arttyrý faktisi anyqtaldy, onyń ishinde 24 631,3 myń teńge yqpal etý aktileri boıynsha bıýdjetke qaıtaryldy. Bul týraly atalǵan vedomstvonyń baspasóz qyzmetinen habarlady.
Mysaly, «Baqyt» sábıler balabaqshasy» JShS (budan ári - Sábıler balabaqshasy) tekseris kezinde belgili bolǵandaı, 2014 jylǵy qańtar men jeltoqsan aralyǵynda sábıler balabaqshasynyń jaýapty tulǵalary oryndalǵan jumystar aktisine is júzinde sábıler balabaqshasyna kelmegen 100 balanyń málimetterin engizý arqyly memleketke 9 mln.teńge (9 305 700) somasynda zalal keltirgen.
Bul fakt 2015 jylǵy 14 aqpanda QR QK 190-baby 3-bóliginiń 1-tarmaǵy boıynsha (asa iri kólemde jasalǵan alaıaqtyq) Astana qalasy prokýratýrasynyń sotqa deıingi tergep-tekserýdiń biryńǵaı tizilimine engizilip, sotqa deıingi tergep-tekserý úshin Astana qalasy boıynsha memlekettik kirister Departamentine joldanady.
Tergep-tekserýdiń nátıjesi boıynsha sábıler balabaqshasynyń laýazymdy tulǵalarynyń kinási dáleldendi jáne olar óz kinásin moıyndap, keltirgen zalaldy tolyqtaı ótedi.
Aǵymdaǵy jyldyń 29 mamyrynda sábıler balabaqshasynyń dırektorynan kináni moıyndaý týraly is júrgizý kelisimin jasaý týraly ótinish-hat kelip tústi.
2015 jylǵy 13 maýsymda sábıler balabaqshasy basshysynyń áreketi QR QK 182-baby 3-bóliginiń "b" tarmaǵy boıynsha (aldaý nemese senimge qııanat jasaý jolymen menshik ıesine nemese ózge múlik ıelenýshige urlyq belgilerinsiz iri zalalǵa aınalǵan múliktik zalal keltirý) qaıta saralanyp, sotqa deıingi tergep-tekserý taraptardyń tatýlasýy sebepti QR QK 68-baby 1-tarmaǵynyń negizinde toqtatyldy.
