Astana prokýratýrasy Qorshaǵan ortany qorǵaý boıynsha vedomstvoaralyq komıssııanyń jumystarynda óreskel zań buzýshylyqtardy anyqtady

«Astana qalasynyń prokýratýrasy 2010 jyldyń maýsym aıynda Qorshaǵan ortany qorǵaý boıynsha VAK sheńberinde Astana qalasynyń Tabıǵı resýrstar jáne tabıǵatty paıdalanýdy retteý basqarmasyna jáne QR Qorshaǵan ortany qorǵaý mınıstrligi Ekologııalyq retteý jáne baqylaý komıtetiniń Esil departamentine, atmosferalyq aýany qorǵaý salasyndaǵy zańnamanyń 2009-2010 jyldary oryndalýyna jáne qolǵa alynǵan sharalarǵa tekseris júrgizdi. Tekseris nátıjesinde Qorshaǵan ortany qorǵaý boıynsha VAK jumystarynyń nátıjesiz atqarylyp jatqandyǵy, sondaı-aq ekologııalyq ruqsattar buzýshylyqtarmen berilgendigi anyqtaldy», - dep málimdedi Qazaqstannyń Bas prokýratýrasynan.

Prokýratýra organdary sondaı-aq, VAK-tyń quqyqtyq dárejesi osy ýaqytqa deıin aıqyndalmaǵanyn, al komıssııa óz kompetentsııasy sheńberinde qolǵa alyp kelgen sharalar tek keńes-usynym retinde bolǵan. Sondyqtan olar ekologııalyq jaǵdaıdyń jaqsarýyna septigin esh tıgizbeı kelgen.

Sonymen birge, quryltaılyq qujattarda komıssııa otyrystary qajettilik boıynsha, biraq eki aptada bir retten kem emes ótkizilýi tıistigi kórsetilse, VAK jumys istep kele jatqan 1 jyldyń ishinde otyrysty bir-aq ret ótkizgen. «Bul jumysty uıymdastyrý máselesine tek formaldy túrde qaralyp kelgenniń aıǵaǵy», - dep atap ótti Bas prokýratýradan.

Onyń ústine Astana qalasynyń Tabıǵı resýrstar jáne tabıǵatty paıdalanýdy retteý basqarmasynda sybaılas jemqorlyqqa jol bergen jáıttar anyqtaldy. Máselen, Basqarmanyń jaýapty qyzmetkeri aýaǵa qaldyqtardy laqtyrý máseleleri boıynsha ruqsat alý úshin ekologııalyq zańnamamen bekitilgen qujattar tizimin tolyq qabyldamaı, jemqorlyqqa jol bergen.

Anyqtalǵan zańnama buzýshylyqtaryna baılanysty qalalyq prokýratýra quzyrly organ men Astana qalasy ákimdigine usynymdar joldady.