Astana prokýratýrasy: Kóleńkeli ekonomıkadan 7 mlrd teńge bıýdjetke qaıtaryldy
ASTANA. QazAqparat - Kóleńkeli ekonomıkaǵa qarsy kúrestiń nátıjesinde bıýdjetke 7 mlrd. teńge qaıtaryldy, dep habarlaıdy Astana prokýratýrasynyń baspasóz qyzmeti.
Prokýrorlyq qadaǵalaýdyń basty baǵyttarynyń biri memlekettiń ekonomıkalyq múddelerin qamtamasyz etý bolyp tabylady.
Memlekettiń ekonomıkalyq qaýipsizdigin qamtamasyz etý boıynsha jumystyń mańyzdy tusy - kólekńkeli ekonomıkaǵa, sonyń ishinde jalǵan kásipkerlikke qarsy is-qımyl jasaý.
Astana qalasy prokýratýrasynyń organdary kóleńkeli ekonomıkaǵa qarsy is-qımyl jáne óz quzyreti sheginde Qazaqstan Respýblıkasynyń ekonomıkalyq qaýipsizdigin qamtamasyz etý sheńberinde salyq zańnamasynyń talaptaryn saqtaý máselelerine kóp kóńil bóledi.
Aǵymdaǵy jyly elordalyq prokýratýranyń qadaǵalaý qyzmeti barysynda jalǵan tulǵalardyń nemese olardyń (jalǵan kásiporyn) qyzmetine qatysy baryn teriske shyǵaratyn tulǵalardyń atyna tirkelgen 32 jeke kásipkerlik sýbektisin tirkeýge jol berilmedi.
Atalǵan sharýashylyq sýbektilerin tirkeýge jol bermeý arqyly olardyń kontragentterine (salyq tóleýden jaltaryp júrgen) jalpy somasy 5,4 mlrd.teńgeden astam salyq qaıta esepteldi, onyń ishinde 1,3 mlrd.teńge bıýdjetke qaıtaryldy.
Zańsyz paıdalanylatyn múlikti qaıtaryp alý arqyly memlekettik bıýdjetke 6,5 mln.teńge kelip tústi, sonymen qatar jergilikti atqarýshy organnyń zańsyz jumsaýyna baılanysty 250,6 mln.teńge bıýdjetke qaıtaryldy.
Sonymen birge, qala prokýratýrasy kóleńkeli ekonomıkaǵa qarsy is-qımyl jasaı otyryp, qurylys jumystaryn satyp alý boıynsha zańsyz ótkizilgen 3 konkýrstyń kúshin joıdy, sóıtip bıýdjettiń 1,4 mlrd.teńge somasynda shyǵynǵa qalýyna jol bermedi.
Kóleńkeli ekonomıkaǵa qarsy is-qımyl boıynsha jumys jalǵasýda jáne ol Astana qalasy prokýratýrasy organdarynyń jiti baqylaýynda.
