Astana prokýratýrasy esirtki jarnamalaıtyn 17 saıtty buǵattady

ASTANA. QazAqparat - Astana prokýratýrasy esirtki jarnamalaıtyn 17 saıtty anyqtap, buǵattady, dep habarlaıdy QazAqparat elorda prokýratýrasynyń resmı saıtyna silteme jasap.

Saıttaǵy málimetterge qaraǵanda, Prezıdenttiń Qazaqstan halqyna Joldaýynda sıntetıkalyq esirtkiniń taralýynyń ósýine erekshe nazar aýdaryldy.

Sıntetıkalyq esirtki qoǵamǵa úlken qaýip tóndiredi.

Osy oraıda Qalalyq psıhıkalyq densaýlyq ortalyǵynyń narkologııalyq blogyna jatqyzylǵandaryń óskeni baıqaldy, 2021 jyly 2 080 patsıent, 2022 jyldyń 10 aıynda 2 126 patsıent.

«Áleýmettik jelilerde, messendjerlerde kóptegen «sıntetıka» jarnamalary qoljetimdi. Elordalyq prokýratýra osyndaı 17 saıtty anyqtady. Mysaly, «Q» saıtynda mekenjaılary men derektemeleri kórsetilgen esirtki quraldary ashyq jarnamalandy.

Qabyldanǵan sharalar arqylyn barlyq 17 esirtki saıty buǵattaldy.

Esirtkiniń taralýyn boldyrmaý jónindegi jumys ýákiletti organdardyń erekshe baqylaýynda bul baǵyttaǵy jumys jalǵasýda.

Mundaı saıttar tabylǵan jaǵdaıda dereý kelesi nómirlerge habarlańyz»,-delingen prokýratýra taratqan habarlamada.

Qalalyq prokýratýranyń kezekshi prokýrory- [phone];

Polıtsııa Departamentiniń senim telefony - [phone];