Astana prokýratýrasy elorda atmosferasynyń qorǵalýyna tekserister júrgizdi
ASTANA. 9 qazan. QazAqparat - Astana qalasynyń prokýratýrasy ekologııalyq qaýipsizdik jáne josyqsyz tabıǵat paıdalanýshylardyń memleketke keltirgen zııanyn óteý máselesine aıryqsha kóńil bóledi.
Bul rette qorshaǵan ortany qorǵaý boıynsha vedomstvoaralyq komıssııanyń qyzmetin tekserý barysynda astananyń atmoferalyq aýasyn lastaý deńgeıin azaıtý jumysynyń tıimdiligi tómendegeni belgili boldy. Bul týraly Astana qalalyq prokýratýrasynyń baspasóz qyzmetinen habarlandy.
Atap aıtqanda, tekseý barysynda qalalyq prokýratýra organdarynyń kúshimen qorshaǵan ortaǵa eleýli zııan keltirgen, biraq ýákiletti organnyń nazarynan tys qalǵan josyqsyz tabıǵat paıdalanýshylar anyqtalǵan. Máselen, 7 sharýashylyq sýbektisi atmosferalyq aýaǵa áserin reglamentteıtin tıisti qujattarsyz eki jyl boıy qurylys-montaj jumystaryn júrgizgen. Osylaısha atalǵan sýbektiler Qazaqstan Respýblıkasy Ekologııalyq kodeksiniń 69-baby 1-bóligi talaptaryn buzyp, qorshaǵan ortaǵa emıssııalarǵa ruqsat almaǵan.
Qala prokýratýrasy anyqtalǵan zań buzýshylyqtar boıynsha qala ákimdigine jáne qorshaǵan ortany qorǵaý boıynsha ýákiletti organnyń atyna memleketke keltirilgen zııandy óteý, sondaı-aq salyq bereshegin óndirý jáne kináli adamdardy jaýapkershilikke tartý jóninde keshendi jumys júrgizý máselelerin qoıa otyryp, zań buzýshylyqty joıý týraly usynys engizdi.
