Astana prokýratýrasy ekonomıkalyq daǵdarys saldarynan qylmystyń kóbeıetindigine alańdaýly

ASTANA. QazAqparat - Astana prokýratýrasy ekonomıkalyq daǵdarys saldarynan qylmys sany kóbeıip ketedi dep qaýiptenýde. Bul týraly brıfıng barysynda Astana qalalyq prokýrorynyń kómekshisi Rýslan Áıtimov aıtty.

«Bul búgingi brıfıngimizdiń basty sebepteriniń biri bolyp otyr. Daǵdarysqa baılanysty bizder mundaı jaıt oryn alýy múmkin dep qaýiptenýdemiz. Ózderińizde túsinesizder ǵoı, Astana - bizdiń elordamyz. Resmı statıstıkaǵa sáıkes munda shamamen 800 myń adam tirkelgen. Buǵan qosa, kún saıyn qalaǵa barlyq óńirden adamdar keledi», - dedi ol.

Osy rette prokýror kómekshisi ásirese alaıaqtyq qylmystyń órip ketý múmkin ekendigin basa aıtty. «Degenmen, biz de qylmystyń aldyn alý jumystaryn tyńǵylyqty júrgizýdemiz», - dedi R.Áıtimov.

Aıta keterligi, alaıaqtyqtyń aldyn alý úshin prokýratýra elordalyqtarǵa arnalǵan arnaıy eskertý paraqshasyn da daıyndap qoıǵan. Onda alaıaqtyń arbaýyna qalaı túsip qalmaý kerektigi jazylǵan.