Astana prokýratýrasy zańbuzýshylyqtardy anyqtaýǵa spýtnıktik baqylaýdy qoldanbaq
ASTANA. KAZINFORM – Astana qalasynyń prokýrory Ǵabıt Muqanov ǵaryshtyq tehnologııalar, spýtnıktik monıtorıng jáne geoaqparattyq júıeler salasyndaǵy elimizdiń jetekshi kásiporyndarynyń biri bolyp tabylatyn «Qazaqstan Ǵarysh Sapary» AQ múmkindikterimen tanysty.
Astana qalalyq prokýratýrasy baspasóz qyzmetiniń habarlaýynsha, kezdesý barysynda jer resýrstaryn paıdalanýdy baqylaý, qurylys obektilerine monıtorıng júrgizý jáne zańnama buzýshylyqtaryn anyqtaý úshin qoldanylatyn spýtnıktik monıtorıng, geoaqparattyq platformalar jáne taldamalyq júıeler salasyndaǵy zamanaýı sheshimder tanystyryldy.
Memlekettik baqylaýdyń tıimdiligin arttyrý, táýekelderdi taldaý jáne quqyqquzýshylyqtardyń aldyn alý úshin tsıfrlyq tehnologııalardy praktıkalyq qoldaný máselelerine erekshe nazar aýdaryldy.
Sondaı-aq vedomstvoaralyq ózara is-qımyl perspektıvalary jáne memlekettik organdardyń jumysynda zamanaýı tehnologııalyq sheshimderdi odan ári paıdalaný máseleleri talqylandy.
-Astana qalasynyń prokýratýrasy zańdylyqty nyǵaıtýǵa, azamattardyń quqyqtary men memlekettik múddelerdi qorǵaýǵa baǵyttalǵan zamanaýı tásilder men tsıfrlyq sheshimderdi engizý boıynsha jumysty aldaǵy ýaqytta da jalǵastyrady,-delingen habarlamada.
Astana qalasynyń prokýratýrasy zamanaýı tsıfrlyq quraldardy engizý jáne zańdylyqty qamtamasyz etý men memlekettik múddelerdi qorǵaý maqsatynda taldamalyq tehnologııalardy paıdalaný múmkindikterin keńeıtý boıynsha jumysty jalǵastyrýda.
Osyǵan deıin Bas prokýratýra kıberalaıaqtyqty ashý kórsetkishi 29%-ǵa óskenin habarlaǵan bolatyn.
