Astana prokýratýrasy 80 myńnan astam kásipkerdiń quqyǵyn qorǵady
ASTANA. KAZINFORM — Elordada memlekettik satyp alý portalyndaǵy buzýshylyqtar joıylyp 80 myńnan astam kásipker men 400-den astam ınvestordyń quqyqtary qalpyna keltirildi, dep habarlaıdy qalalyq prokýratýranyń baspasóz qyzmeti.
Astana qalasynyń prokýratýrasy Investorlardyń quqyqtaryn qorǵaý komıtetiniń úılestirýimen memlekettik satyp alý veb-portaly operatorynyń qyzmetinde kásipkerler men ınvestorlardyń quqyqtaryn qozǵaıtyn buzýshylyqtardy anyqtady.
Memlekettik satyp alýǵa qatysý úshin jyldyq tarıfti satyp alǵan kezde paıdalanýshylar tólem jasalǵan kúnine qaramastan, veb-portal qyzmetterin tek kúntizbelik jyldyń sońyna deıinǵana paıdalana alǵany anyqtaldy. Osylaısha, qyzmet kórsetýdiń naqty merzimi bir jyldan az bolýy múmkin bolǵan.
Sonymen qatar, jekelegen tarıfterdiń quny ýákiletti memlekettik organ belgilegen mólsherlerden asyp ketken. Júrgizilgen tekserý barysynda atalǵan qyzmetterdi kórsetý tártibin jáne tarıfterdi qalyptastyrýdy retteıtin normatıvtik quqyqtyq aktiniń joq ekeni de anyqtaldy.
Prokýrorlyq qadaǵalaý sharalary boıynsha Qazaqstan Respýblıkasynyń Qarjy mınıstrligitıisti normatıvtik quqyqtyq aktini ázirlep, qabyldady. Atalǵan aktimen quqyqtyq retteýdegi anyqtalǵan olqylyqtar joıylyp, qajetti ózgerister bekitildi.
Qabyldanǵan sharalardyń nátıjesinde memlekettik satyp alý veb-portalyn paıdalaný jónindegi sharttardyń qoldanylý merzimi endi tólem jasalǵan kúnnen bastap kelesi jyldyń tıisti kúnine deıin esepteledi.
— Sondaı-aq qyzmetter quny qaıta eseptelip, kásipkerlerge tarıfter boıynsha artyq tólengen aıyrma qaıtaryldy. Qabyldanǵan sharalar 80 myńnan astam kásipker men 400-den astam ınvestordyń quqyqtaryn qalpyna keltirýge, memlekettik satyp alý veb-portaly operatorynyń qyzmetinde zańdylyqtyń saqtalýyn qamtamasyz etýge jáne bıznestiń memlekettik satyp alýǵa qatysýy úshin anaǵurlym ádil jaǵdaı jasaýǵa múmkindik berdi. Jol berilgen buzýshylyqtar úshin úsh laýazymdy tulǵa zańda belgilengen jaýaptylyqqa tartyldy, — delingen habarlamada.
Astana qalasynyń prokýratýrasy ákimshilik kedergilerge nemese quqyqtarynyń buzylýyna tap bolǵan ınvestorlardy +7 (747) 216-15-58 telefonyna ne 115 Call-ortalyǵyna júginýge shaqyrady.
Osyǵan deıin memlekettik satyp alý júıesiniń tıimdiligi halyqaralyq deńgeıde baǵalanatynyn jazdyq.
