Astana protsesiniń qorytyndy qujatyna kim qol qoıady
Reseı Jańalyqtar agenttiginiń habarlaýynsha, bul jaıynda RF-niń Qazaqstandaǵy keńesshi-elshisi Aleksandr Mýsıenko málim etken.
«Árıne, kepilger elder. Kepilger elder qol qoımasa ol júzege aspaıdy», - dedi Mýsıenko «kezesýdiń qorytyndy qujatyna kimder qol qoıady?» degen saýalǵa jaýap bere kele.
Onyń atap ótýinshe, jalpy qujatqa Sırııa úkimettik delegatsııasynyń da jáne oppozııa taraby da qol qoıǵany durys bolar edi.
Sonymen qatar ol «kepilger elderdiń qol qoıǵany jetkilikti me?» degen saýalǵa da jaýap berdi. «Barlyq pıramıda osyǵan - kepilger elderdiń qolyna negizdeledi», - dedi ol.
Eske sala keteıik, búgin, 16 aqpan kúni Sırııa ahýalyn retteýge baılanysty Astana protsesiniń aıasynda joǵary deńgeıde kezekti otyrys ótedi. Sırııadaǵy atysty toqtatýǵa kepildik berip otyrǵan Reseı, Túrkııa men Iran memleketteriniń xabarlaýynsha, otyrysta Sırııa jerinde áskerı is-qımyldy toqtatý rejimin saqtaý máseleleri, sonyń ishinde naqty terrıtorııalarda axýaldy turaqtandyrý jaıy sóz bolady degen jospar bar. Sondaı-aq birlesken shuǵyl top týraly ereje qabyldanyp, bitimgerlik rejimdi kúsheıtý jáne Jeneva kelissózderi aldyndaǵy basqa da sharalar talqyǵa salynbaq. Astanadaǵy kezekti kezdesýge Iordanııa Koroldigi, Sırııa Arab Respýblıkasy, sol jerdegi qarýly oppozıtsııanyń ókilderi, BUU Bas xatshysynyń arnaıy ókili S. De Mıstýra, sondaı-aq AQSh baqylaýshy retinde shaqyrylyp otyr.
Buǵan deıin Sırııa máselesin retteýge arnalǵan Astana protsesinen keıin elordada xalyqaralyq texnıkalyq kezdesý ótken bolatyn. Sonyń nátıjesi boıynsha RF Qarýly Kúshteri Bas shuǵyl basqarma basshysynyń orynbasary, general-maıor Stanıslav Gadjımagomedov málimdeme jasaǵan edi.
