Astana protsesiniń kelesi otyrysynda qandaı másele kóteriledi
«Astanada ótetin kelesi kezdesýde garant-memleketter qurylǵan tórt deeslakatsııalyq aýmaqtyń qanshalyqty tıimdi jumys atqaryp jatqanyn talqylaıtyn bolady», - deıdi mınıstr.
Qaırat Ábdirahmanov óz sózinde, Sırııalyq qarýlanǵan oppozıtsııanyń ókilderi Astanany barlyq múddeleri eskeriletin alań retinde kórip otyrǵanyn jetkizdi. Sol sebepti, olar Sırııanyń resmı bıligimen, garant-elderdiń delegatsııalarymen jáne baqylaýshy eldermen Astana protsesinde bir ústelde otyrýǵa kelisimin bergen.
«Sırııalyq qarýlanǵan oppozıtsııanyń ásirese tutqyndar men kepilge alynǵan adamdardyń isine basa mańyz berip otyr. Olar garant-elder tutqyndar men kepilge alynǵan adamdardyń máselesin sheshedi dep úmittenedi», - deıdi Qaırat Ábdirahmanov.
Sırııa jaqta jurtshylyqty alańdatqan gýmanıtarlyq turǵyda mınalardy jınap alý máselesi de bar. Sırııa aýmaǵynda tarıhı oryndar jeterlik. Olardyń kóbi ıÝNESKO qorǵaýynda.
«Bizge berilgen aqparat boıynsha, BUU-nyń jaýapty qyzmeti búkil álem úshin mańyzy bar Sırııadaǵy mádenı nysandardy mınalardan tazartý jumystaryn júrgizip jatyr», - deıdi QR SІM basshysy.
Eske sala ketsek, Sırııadaǵy jaǵdaıdy retteý boıynsha otyrys Astana qalasynda qańtar aıynda ótkiziledi. Astana protsesiniń buǵan deıin 6 otyrysy ótken. 14-16 qyrkúıek kúnderi ótken sońǵy kezdesýdiń qorytyndysy boıynsha, Sırııada tórt deeslakatsııa aýmaǵy qurylǵany jarııalanǵan bolatyn.
Aıta ketken jón, Sırııa daǵdarysy boıynsha Astanadaǵy protsestiń kelesi otyrysynyń qashan ótetindigi belgisiz.