Astana protsesine sırııalyq 9 oppozıtsııa ókili qatysýda
Bul jaıynda QR Syrtqy ister mınıstrligi Azııa jáne Afrıka departamentiniń dırektory Aıdarbek Tumatov málim etti, dep habarlaıdy QazAqparat.
«Barlyq taraptar, kepilger elderdiń delegatsııalary keshe kelgen bolatyn. Búgin tańerteń oppozıtsııa delegatsııasy keldi. Ony ózderińiz de biletindeı «Djeısh al-Islam» tobynyń ókili Mohammed Allýsh basqarady. Túrkııa delegatsııasy da osynda. Olardyń da ókilderi óte joǵary deńgeıde jasaqtalǵan. Oppozıtsııadan 9 adam, ıaǵnı 9 toptyń ókili», - dedi ol.
Onyń aıtýynsha, taraptar búgin kelissózderdi aıaqtaýy tıis.
«Negizinen soǵysty toqtatý rejimi monıtorıngin qadaǵalap otyratyn jedel top qurý týraly ereje máseleleri qarastyrylady. Sonymen qatar qazirgi ýaqytta qorytyndy málimdeme mátini qarastyrylý ústinde», - dedi Tumatov.
