11:28, 05 Shilde 2017 | GMT +6
Astana protsesine qatysýshylardyń ekijaqty kezdesýleri ótýde
ASTANA. QazAqparat - Astana protsesine qatysýshylardyń ekijaqty kezdesýleri ótýde. Bul jaıynda QR Syrtqy ister mınıstrliginiń baspasóz hatshysy Anýar Jaınaqov málim etti, dep habarlaıdy QazAqparat.
«Kelissózder bastaldy. Qazirgi ýaqytta kelissózderge qatysýshylardyń arasynda ekijaqty kezdesýler ótip jatyr. Negizgi másele - deeskalatsııa aımaǵynyń shekarasyn anyqtaý. Aldyn ala málimetterge sáıkes, kezdesýdiń jalpy otyrysy saǵat 16:00-ge belgilenip otyr», - dedi Anýar Jaınaqov BAQ ókilderine.
Aıta keteıik, keshe Úkimet otyrysynan keıin BAQ ókilderiniń saýaldaryna jaýap bergen elimizdiń Syrtqy ister mınıstri Qaırat Ábdirahmanov Astana protsesiniń kún tártibi jaıyndaǵy derektermenbólisken bolatyn.
