Astana protsesine qatysýshy taraptar sóz sóıleýlerin aıaqtady

ASTANA. QazAqparat - Elordada ótip jatqan sırııalyq retteý jónindegi halyqaralyq kezdesýge qatysýshy barlyq delegatsııanyń ókilderi sóz sóıleýlerin aıaqtady. Bul jaıynda QazAqparat tilshisine kelissózderdi uıymdastyrý sharalaryna qatysy bar derekkózi málim etti.

«Jalpy otyrysta barlyq delegatsııanyń ókilderi óz sózderin aıaqtady. Sırııa úshin kelissózder protsesin teńgerimdi ári abaılap ilgeriletý qajettigi atalyp ótildi»,  - dedi ol.

Onyń sózine qaraǵanda, BUU Bas hatshysynyń Sırııa jónindegi arnaýly ókili Steffan de Mıstýra kelissózderdiń jalpy otyrysy barysyndaǵy óz sózinde Qazaqstan Prezıdentine Astanadaǵy kelissózder protsesine taraptardy shaqyrǵany jáne mundaı kezdesýdiń ótýine barlyq jaǵdaı jasaǵany úshin rızashylyǵyn bildirdi.

Sonymen qatar derekkózdiń aqparatyna sáıkes, jalpy otyrys barysynda Sırııa úkimetiniń de, qarýly oppozııanyń da ókilderi sóz sóılegen.

«Olardyń bir bólmede bas qosý faktisiniń ózi-aq Sırııadaǵy soǵysty toqtaý rejimin nyǵaıtýǵa qaraı ilgerileýshilikke degen úmitti bildiredi», - dedi ol QazAqparat tilshisine.