Astana protsesinde baıqaýshy bolǵysy keletin elder belgili boldy

ASTANA. QazAqparat - Reseı Prezıdentiniń Sırııa jónindegi arnaýly ókili Aleksandr Lavrentev Sırııa janjalyn retteý jónindegi Astana protsesiniń baıqaýshysy bolǵysy keletin elderdi jarııa etti, dep habarlaıdy QazAqparat.

Astana protsesiniń 6-shy raýndyn qorytyndylaýǵa arnalǵan brıfıngte ol belgili bir elge aldaǵy ýaqytta Astana protsesine baıqaýshy  retinde qatysý múmkindigi beriletindigin aıtty.

«Ony dıplomatııalyq arnalar arqyly jumys deńgeıinde kelisýge sheshim qabyldadyq. Eger de kelisimge keletin bolsaq, onda sáıkesinshe ótinim beremiz jáne qazaqstandyq dostarymyz arqyly atalǵan elderge shaqyrý jiberemiz. Astana protsesi aıasynda baıqaýshy el  bolýy yqtımal áleýetti elderdiń qatarynda Qytaı, BAÁ, Mysyr, Iran jáne Sırııamen kórshiles el retinde «DJıbat an-Nýsramen» birlesken kúres júrgizip jatqan Lıvan bar. Bul eldiń aýmaǵynda sırııalyq bosqyndardyń basym bóligi shoǵyrlanǵan. Árıne, sondyqtan da olar bul respýblıkada beıbitshilik pen turaqtylyqtyń ornaǵanyna múddeli», - dedi Aleksandr Lavrentev.

Aıta keteıik, buǵan deıin QR Syrtqy ister mınıstri Qaırat Ábdirahmanov Sırııa boıynsha Astana protsesiniń kezekti 6-shy raýndy óz máresine jetkendigin jarııa etkenin habarlaǵan edik .

 «Qazaqstan Respýblıkasynyń Prezıdenti Nursultan Nazarbaevtyń  úzdiksiz qoldaýymen júzege asyrylyp kele jatqan  Sırııa boıynsha Astana protsesiniń kezekti 6-shy raýndy óz máresine jetti. Kelissózderge qatysqan joǵary laýazymdy delegatsııalar Astana platformasynda osyǵan deıin qol jetkizilgen ýaǵdalastyqtardyń oryndalý barysyn talqylap, Sırııadaǵy daǵdarysty retteý boıynsha  ózara is-qımyldy keńeıtý joldaryn qarastyrdy», - dep atap ótken edi Qaırat Ábdirahmanov.