Astana protsesi Sırııadaǵy soǵystyń aıaqtalýyn jaqyndata tústi - SІM
«Qonaqjaı qazaq eliniń bas ordasynda QR Prezıdenti Nursultan Nazarbaevtyń úzdiksiz qoldaýymen júzege asyrylyp kele jatqan Sırııa boıynsha Astana protsesiniń kezekti raýndy aıaqtalýda. Buǵan deıin ótken 10 raýndtardaı, osy basqosý aıasynda sırııaaralyq kelissózder úderisine qosymsha serpilis ákeletin, qarsylasýshy taraptar arasyndaǵy senimdi arttyratyn, sondaı-aq qarapaıym sırııalyqtardyń ómirine oń áser tıgizetin mańyzdy nátıjelerge ıe bolý - ol qýantarlyq jaıt», - dedi mınıstr.
Qaırat Ábdirahmanovtyń atap ótýinshe, Astana protsesiniń kepilger elderiniń birlesken kúsh-jigeri men jaýapty kózqarasy Sırııa shıelenisin retteý jolyndaǵy mańyzdy kelisimderdi júzege asyrýda kórinis tabatyndyǵy sózsiz. Onyń aıqyn dálelderdiń biri - ol kóptegen beıbit sırııalyq azamattardyń qurban bolýyna jáne eldegi gýmanıtarlyq jaǵdaıdyń odan ári ýshyǵýyna jol bermegen Idlıp jónindegi ýaǵdalastyqtar.
«Sonymen qatar, tutqyndardy bosatý, qaza tapqandardyń denelerin tabystaý jáne iz-tússiz joǵalǵandardy izdestirý tobynyń jumysy aıasynda jaqynda Aleppo provıntsııasynda oryn alǵan tutqyndar men májbúrlep ustalǵan adamdarmen almasý is-sharasyn da atap ótken jón dep sanaımyn. Joǵaryda baıandalǵandy eskere otyryp, búgingi kúni Astana formatyndaǵy kelissózder Sırııada uzaqqa sozylǵan soǵystyń aıaqtalýyn jaqyndata túsetin biregeı tetik bolyp tabylatynyn aıtýǵa tolyq negiz bar dep oılaımyn»,- dedi QR Syrtqy ister mınıstri.
