Astana protsesi Sırııa Úkimeti men oppozıtsııa arasyndaǵy tikeleı suhbat túri

ASTANA. QazAqparat - Astanada ótken sırııalyq retteý jónindegi halyqaralyq kezdesýge (Astana protsesi) qatysýshylar Astanada kelissózder ótkizýge múmkindik jasaǵan Qazaqstan Prezıdentine rızashylyqtaryn bildirdi, dep habarlaıdy QazAqparat.

«Biz Astanadaǵy Sırııa jónindegi halyqaralyq kezdesý úkimet pen opppozıtsııa arasyndaǵy tikeleı dıalog úshin forma sanalatyndyǵyn atap ótemiz. Muny BUU Qaýipsizdik Keńesiniń 2254 qarary talap etedi. Biz qarýly oppozıtsııalyq toptardyń kelissózderdiń kelesi raýndyna qatysýǵa nıet tanytyp otyrǵandyǵyn qoldaımyz. Ol 2017 jyldyń 8 aqpanynda Jenevada BUU quziretimen ótedi», - delingen QR Syrtqy ister mınıstri Qaırat Ábdirahmanov jarııa etken Iran, Reseı jáne Túrkııanyń birlesken málimdemesinde.

Sondaı-aq qujatta taraptar halyqaralyq qoǵamdastyqtyń barlyq múshelerin BUU QK qararymen kelisilgen barlyq is-sharalarddy júzege asyrýdaǵy saıası protseske qoldaý kórsetýge shaqyrǵan.

«Biz sırııalyq saıası protsesti qamtamasyz etý, jahandyq protsesterge jáne 2254 qararyn júzege asyrýǵa úles qosý úshin BUU kómegimen Astana platformasynda belsendi yntymaqtasýǵa sheshim qabyldadyq. Biz Qazaqstan Respýblıkasynyń Prezıdenti, Uly mártebeli Nursultan Nazarbaevqa jáne Qazaqstanǵa óz aýmaǵynda, astanada Sırııa boıynsha halyqaralyq kezdesýdi qabyldaǵany úshin alǵysymyzdy bildiremiz», - delingen qujatta.